ბელორუსის პრეზიდენტმა ალექსანდრ ლუკაშენკომ საქართველოს დსთ-ში დაპატიჟა.

ამის შესახებ ინფორმაციას ,,რია ნოვოსტი” ავრცელებს.

,,კარგი იქნებოდა, რომ საქართველო დსთ-ს შემადგენლობაში დაბრუნებულიყო,”- განაცხადა ლუკაშენკომ დღეს გამართულ პრესკონფერენციაზე.

ბელორუსის პრეზიდენტის აზრით, საქართველოს ჰქონდა განსაზღვრული მიზეზები, იმისათვის რომ თანამეგობრობის შემადგენლობა დაეტოვებინა.

,,საქართველოში ძალიან ბევრია, მათ შორის ხელმძღვანელობაშიც, ვისაც სურს ჰქონდეს ასპარეზი, სადაც შესაძლებელი იქნება განიხილონ არა მხოლოდ პოლიტიკური, არამედ ეკონომიკური საკითხები, ასევე ჩვენი ქვეყნების ცხოვრების სააკითხები,”- აღნიშნა ლუკაშენკომ.

მან იმედი გამოთქვა, რომ საქართველო ამ გზავნილს გაიგებს.

მისივე თქმით, იმისათვის, რომ სიტყვებიდან საქმეზე გადავიდნენ, უნდა ეძებონ არა ის, რაც ქვეყნებს აშორებს, არამედ ის, რაც მათ აერთიანებთ.

აზერბაიჯანის პრეზიდენტი ილჰამ ალიევი დსთ-ს სახელმწიფოთა მეთაურების საბჭოს სხდომაზე მონაწილეობს. 25 ოქტომბერს ბელორუსიის დედაქალაქ მინსკში დსთ-ს სახელმწიფოთა მეთაურების საბჭოს მორიგი სხდომა გაიმართა. სხდომაზე აზერბაიჯანის პრეზიდენტი ილჰამ ალიევიც მონაწილეობს. ალესანდრ ლუკაშენკომ სხდომაზე მონაწილე პრეზიდენტები "დამოუკიდებლობის პალასში" მიიღო.
ალიევმა განაცხადა, რომ ამის შემდეგაც გააგრძელებს მუშაობას იმისთვის, რომ ბელორუსსა და აზერბაიჯანს შორის თანამშრომლობა და მეგობრობა, მშვიდობა უფრო გაძლიერდეს. მან აღნიშნა, რომ დსთ-ს ქვეყნებს ერთმანეთს ისტორიული ფესვები აკავშირებთ, ერებმა სამამულო ომის დროს ფაშიზმი ერთად დაამარცხეს. ახლაც ორ ქვეყანას შორის ეფექტური პოლიტიკურ-ეკონომიკური ურთიერთობებია.