საქართველოს პრემიერ-მინისტრის პრესსამსახურის ინფორმაციით, მთავრობის მეთაურის ბიძინა ივანიშვილის ამ წლის სექტემბერში ლატვიასა და ესტონეთში ვიზიტი იყო დაგეგმილი.
ვიზიტის ზუსტი თარიღი ჯერჯერობით უცნობია. სავარაუდოდ, ვიზიტი სექტემბრის პირველ ნახევარში შედგება.
საქართველოს პრემიერ-მინისტრის ბოლო უცხოური ვიზიტი 18-19 ივლისს ლიტვასა და პოლონეთში იყო.

ხელისუფლებაში კოალიცია "ქართული ოცნების" საქართველოს პრეზიდენტობის კანდიდატი გიორგი მარგველაშვილი აზერბაიჯანელების კომპაქტურად დასახლებული დმანისის რაიონის სოფელ ამამლოს ცენტრში მოსახლეობას შეხვდა. ამამლოს სოფლის აღმასრულებელმა წარმომადგენელმა მუბარიზ მამედოვმა განაცხადა, რომ ღონისძიება მაღალ დონეზე ჩატარდა: "გიორგი მარგველაშვილმა აზერბაიჯანელების წინაშე გამოსვლისას ჩვენი პრობლემების მოგვარებას დაგვპირდა. მან აღნიშნა, რომ თუ პრეზიდენტად აირჩევა, ჩვენს ყველაზე მტკივნეულ მიწის პრობლემას მოაგვარებს".
მამედოვმა აღნიშნა, რომ შეხვედრაზე საქართველოს შრომის, ჯანდაცვისა და სოციალური დაცვის მინისტრმა დავით სერგეენკომაც გამოსვლისას აზერბაიჯანელების კომპაქტურად დასახლებულ რეგიონებში ჯანდაცვის განვითარებაზე და უფასო მკურნალობაზე ისაუბრა.
შემდეგ მარგველაშვილმა სოფლის მკვიდრის ნემათ გულმამედოვის სახლში, ჩაის სუფრაზე სოფლის მოსახლეობას გულწრფელად ესაუბრა.
აღსანიშნავია, რომ სოფელ ამამლოში 394 შინამეურნეობაა და 1500 ადამიანია დარეგისტრირებული. ამჟამად, სოფელში 850 ადამიანი ცხოვრობს.