“İslam Dövləti” (İŞİD) terror qruplaşması İraqın Mosul şəhərindəki təlim düşərgəsindən qaçmağa cəhd edən 12 uşağı edam edib. Modern.az bildirir ki, bu haqda kürdlərə məxsus Rudaw televiziya kanalı məlumat yayıb.

“Ən azı 12 uşağı İŞİD radikalları öldürüblər. Uşaqlar hərbi düşərgədə təlim keçirdilər və oradan qaçmağa cəhd edəndə yaxalanıblar. Öldürülənlərin yaşları 12-dən 16-ya qədər olub”, - Kürdüstan Demokratik Partiyasının sədri Said Mamuzini deyib.

Fevral ayında İŞİD terror qruplaşması Rakka şəhəri ətrafında uşaqlar üçün nəzərdə tutulan hərbi düşərgədən video yayıb. Həmin kadrlarda hərbi geyimdə olan oğlanların cərgələrdə dayandığı və verilən komandaları yerinə yetirdikləri əks olunurdu.

 Festival ilə bağlı ilk tədbirlərə Telavi rayonunda start verilib. Bu gün azərbaycanlıların kompakt yaşadığı Marneulidə də şərab həftəsi çərçivəsində müxtəlif tədbirlər keçirilib. Tədbir artıq üçüncü ildir ki, Gürcüstanın Kənd Təsərrüfatı Nazirliyi və Milli Şərab Agentliyinin təşkilatçılığı ilə baş tutur.

Tədbirlər oktyabrın 2-dək davam edəcək.

Marneulidəki Mədəniyyət Evi qarşısında başlayan şərab dequstasiya sərgiləri tədbir iştirakçıları üçün daha maraqlı olub. Festival çərçivəsində müxtəlif kənd təsərrüfatı məhsullarının sərgisi keçirilib.

Festival çərçivəsində şərab içmə yarışı da planlaşdırılıb. Həftənin sonunda yarışda qalib çıxan iştirakçıya Gürcü Şərabı Ordeni veriləcək. Festival çərçivəsində müxtəlif layihələrin təqdimatı, şərab turları, film nümayişi və digər tədbirlər nəzərdə tutulub.

Gürcüstanın Kənd Təsərrüfatı Naziri Levan Davitaşvili Marneulidə keçirilən şərab həftəsi festivalının region üçün vacib bir tədbir olduğunu bildirib: “Mən bu gün Marneulidə keçirilən tədbiri yüksək qiymətləndirirəm. Marneuli ərazisində, azərbaycanlıların kompakt yaşadığı İmir kəndində  8 min il tarixi olan üzüm gilələri tapılıb. Hazırda bölgədə arxeoloji qazıntılar aparılır, turizm potensialı inkişaf edir. Biz artıq bu tədbiri ənənəvi olaraq, yalnız Marneulidə deyil, bütün Kvemo Kartli bölgəsində keçirəcəyik”, - deyə nazir bildirib.