BMT-nin vasitəçiliyi ilə İsrail və Fələstin arasında Qəzza zolağında bərpa işlərinə başlanmasına dair razılaşma əldə olunub.

Dalgatv-nin  APA-ya istinadən verdiyi xəbərə görə, bu barədə BMT-nin Yaxın Şərq üzrə xüsusi əlaqələndiricisi Robert Cerri bildirib.

Qeyd olunub ki, razılaşma işlərin aparılmasının təhlükəsizliyinə zəmanət verir, həmçinin görüləcək işlərə nəzarəti Fələstin həyata keçirəcək.

Qeyd edək ki “HƏMAS” hərəkatının lideri Əbu Marzuk bundan əvvəl bildirib ki, onun rəhbəri olduğu qruplaşma İsraillə birbaşa danışıqlar aparmağa məcbur olacaq.

Fələstin lideri Mahmud Abbas isə, öz növbəsində, HƏMAS ilə əməkdaşlığın kəsilməsinin mümkünlüyünə dair xəbərdarlıq edib.

Rusiyanın xarici işlər naziri Sergey Lavrov Suriyada rus hərbçilərinin olduğunu təsdiqləyib.

 "Dalğa TV" Rusiya KİV-nə istinadən xəbər verir ki, rusiyalı nazir hərbi qulluqçuların Suriya ordusuna texniki yardım etdiyini deyib.

“Rusiya hərbçiləri Suriyada uzun illərdir ki, fəlaiyyət göstərirlər. Onların ölkədə mövcudluğu “İslıam dövləti” və digər esktremist qüvvələrə qarşı mübarizənin əsas yükünü çiynində daşıyan Suriya ordusuna silahların verilməsi ilə bağlıdır”.Lavrovun sözlərinə görə, rusiyalı hərbçilər Suriya ordusuna yeni texnikadan istifadə olunma qaydalarını başa salır və bu yardımlar gələcəkdə də davam edəcək.