Britaniyanın "PeaPie Films" kino şirkəti Məhəmməd Əsəd bəyin (Qurban Səid) "Əli və Nino" əsərini ekranlaşdıracaq.

Dalgatv buro 247.az-a istinadən xəbər verir ki, müsəlman Əli və xristian Ninonun romantik sevgi hekayəsindən bəhs edən filmin çəkilişləri gələn il Azərbaycanda başlayacaq.

Ssenari müəllifi britaniyalı yazıçı, ssenarist və kinorejissor, "Oskar" mükafatı sahibi Kristofer Hempton, prodüseri Kris Tikye, rejissoru isə Asif Kapadiyadır. Azərbaycanlı Əlixan Şirvanşirin rolunu isə aktyor Adam Bakri canlandıracaq. Onun sonuncu işi olan "Ömər" filmi "Ən yaxşı xarici film" nominasiyasında bir sıra nüfuzlu mükafatlara layiq görülüb.

Qeyd edək ki, filmin icraçı prodüseri Heydər Əliyev Fondunun vitse-prezidenti Leyla Əliyevadır

“Eurovision-2015” mahnı müsabiqəsinə Avstriyanın paytaxtı Vyana ev sahibliyi edəcək.

Dalgatv  APA-ya istinadən xəbər verir ki, Avstriyanın ORF İctimai Yayım Şirkəti uzun müzakirələrdən sonra yarışmanın Vyanada keçirilməsinə qərar verib. Yayım şirkətindən bildiriblər ki, yarışmanı keçirməyə iddialı şəhərlər arasında Qrats, İnsbruk şəhərləri də olub. Şirkətin direktoru qeyd edib ki, “Eurovision” mahnı müsabiqəsinin 60 illik yubileyinin yüksək səviyyədə keçirilməsi üçün bütün qüvvələrini səfərbər edəcəklər.

Qeyd edək ki, “Eurovision-2015” mahnı müsabiqəsinin I və II yarımfinalı mayın 19 və 21-də, final mərhələsi isə mayın 23-də keçiriləcək.