ისრაელის პრემიერ-მინისტრი ბინიამინ ნეტანიაჰუ მუცლის არეში ძლიერი ტკივილების გამო იერუსალიმის ერთ-ერთ საავადმყოფოში მიიყვანეს.
ნეტანიაჰუს პირადმა ექიმმა მას "კუჭის წყლულის" დიაგნოზი დაუსვა.
შესაბამისი კვლევების შემდეგ ექიმებმა მისთვის ოპერაციის გაკეთება გადაწყვიტეს. ადგილობრივი (ლოკალური) ანესთეზიის ქვეშ ერთსაათიანი ოპერაცია იგეგმება. ინფორმაციის თანახმად, იმ შემთხვევაში, თუ პრემიერ-მინისტრს საერთო ანესთეზიას გაუკეთებენ, პრემიერ-მინისტრის უფლებამოსილებას დროებით თავდაცვის მინისტრი მოშე იალონი შეასრულებს.
ნეტანიაჰუს საავადმყოფოდან გამოწერა 11 აგვისტოს დღის მეორე ნახევარში იგეგმება.

ჟურნალისტებისთვის განკუთვნილი კორპუსი, რომელსაც საძირკველი აზერბაიჯანის პრეზიდენტმა ილჰამ ალიევმა დღეს ჩაყარა, ორი წლის შემდეგ დასახლდება.
ეს ჟურნალისტებს პრეზიდენტის ადმინისტრაციის საზოგადოებრივ-პოლიტიკური დეპარტამენტის თავმჯდომარემ ალი ჰასანოვმა განაცხადა.
მან განაცხადა, რომ ამ კორპუსში არა მხოლოდ ჟურნალისტები, არამედ გაზეთის, ტელევიზიის და სხვა რედაქციების წარმომადგენლებიც დასახლდებიან.
ჰასანოვის თქმით, აზერბაიჯანის ხელისუფლება მედიაზე ყოველთვის ზრუნავს: "ეს პროცესი ამის შემდეგაც გაგრძელდება. დღეს ჟურნალისტებისთვის მიცემული კორპუსი ამ ზრუნვის მაჩვენებელი".