"ეს შეხვედრა ეროვნული საბჭოს ვაშინგტონის შეხვედრას ჰგავს"
ღია საზოგადოების პარტიის (ღსპ) ლიდერმა რასულ გულიევმა ეროვნული საბჭოს ლონდონში ვიზიტზე უარი განაცხადა.
განცხადებაში ექს-სპიკერმა განაცხადა, რომ არ სურს, ეროვნული საბჭოს ხელმძღვანელობით ლონდონში ვიზიტში მიიღოს მონაწილეობა.
გულიევმა აგრეთვე აღნიშნა, რომ ეროვნული საბჭოს წევრების ვიზიტთან დაკავშირებით პრესისთვის მიცემულ განცხადებას ირონიით მოეკიდა და განაცხადა, რომ ამ ვიზიტს აზრი არ აქვს: "ეს შეხვედრა ეროვნული საბჭოს ვაშინგტონის შეხვედრას ჰგავს. 5-6 ადამიანის სახელი ფიგურირებს. შეიძლება, ერთი ან ორი ადამიანი წავიდეს ლონდონში. რადგანაც ლონდონში ვიზიტს უკვე არანაირი აზრი არ აქვს, იქ ჩასვლას არ ვაპირებ", - განაცხადა გულიევმა.
შეგახსენებთ, რომ დიდი ბრიტანეთის სამეფო ინსტიტუტმა ეროვნული საბჭოს ხელმძღვანელობა ლონდონში მიიწვია. სავარაუდოდ, ვიზიტში მონაწილეობას ეროვნული საბჭოს ერთადერთი კანდიდატი ჯამილ ჰასანლი, მუსავატის ლიდერი ისა გამბარი, ასფპ თავმჯდომარის მოადგილე ფუად გაჰრამანლი და მოძრაობა "ერის" ხელმძღვანელი ელდარ ნამაზოვი მიიღებენ.

საქართველოს პარლამენტის საშემოდგომო სესია 3 სექტემბერს დაიწყება.
საქართველოს პარლამენტის წევრმა ირინა იმერლიშვილმა განაცხადა, რომ რეგლამენტის თანახმად, პარლამენტის საშემოდგომო სესია სექტემბრის პირველ სამშაბათს დაიწყება და ბიუროს პირველ სხდომაზე სესიის დღის წესრიგი დამტკიცდება.