ეროვნული საბჭოს ბოლო სხდომაზე წამოყენებული სარეზერვო კანდიდატის საკითხი საბჭოში წარდგენილი ოპოზიციური პარტიების მიერ ერთნაირად არ იქნა მიღებული.
მედიის მიხედვით, აზერბაიჯანის ლიბერალური პარტიის (ალპ) და ღია საზოგადოებრივი პარტიის (ღსპ) სარეზერვო კანდიდატურის შემოთავაზების წინააღმდეგობა, მათი სხვა ოპოზიციური ლიდერების - ასფპ და მუსავატის ოფიციალური პირების პოზიციას დაუპირისპირდება. რასულ გულიევმა ღიად განაცხადა, რომ ამ გადაწყვეტილების წინააღმდეგია. ალპ კი ჯერჯერობით დუმს.
გავრცელებულ ინფორმაციებში ალპ-ის წარმომადგენლების სესიის ნაადრევად დატოვება ისე მიიღეს, თითქოს ლიბერალებს იბრაჰიმბეიოვისთვის სარეზერვო კანდიდატი არ სურთ.
ამ შემთხვევაში ალპი რას იზამს? რაში გამოიხატება პარტიის პოზიცია? ამ შეკითხვებზე პასუხის მისაღებად პარტიის თავმჯდომარეს ავაზ თემირხანს დავუკავშირდით. თემირხანმა განაცხადა, რომ ამჟამად ამ მიმართულებით მოლაპარაკებები მიმდინარეობს, და ამიტომ მას პრესასთან საუბარი არ სურს. ალპ-ის თავმჯდომარემ ეროვნული საბჭოს ბოლო სესიის დატოვება კი ასე ახსნა:
"ამჟამად განხილვები ტარდება და ამიტომ მე ჯერჯერობით ამ საკითხთან დაკავშირებით პრესისთვის აზრის გამოთქმა არ მსურს. სესია არ დაგვიტოვებია, როდესაც 4-საათიანი სხდომა დასრულდა, პირველები ჩვენ გამოვედით".

"საქართველოში რაც უფრო მეტი ტელეარხი იარსებებს, მით უფრო ბედნიერი ვიქნები".
ეს "რუსთავი 2"-ს საქართველოს პრეზიდენტმა მიხეილ სააკაშვილმა პრემიერ-მინისტრის ბიძინა ივანიშვილის ოჯახის კუთვნილი "TV9"-ს დახურვის ამბის კომენტირებისას განაცხადა. მან აღნიშნა, რომ ქვეყანაში მოქმედი ტელეარხების უმრავლესობა მისი პრეზიდენტობის პერიოდში გაიხსნა.
"ჩემს დროს "TV9", "მაესტროსნაირი" ოპოზიციური არხები გაიხსნა. ბევრი რეგიონული ტელევიზიამ, გაზეთმა დაიწყო ფუნქციონირება. როდესაც პრეზიდენტად ამირჩიეს, საქართველოში სულ სამი ტელეარხი იყო. ახლა კი ათობით ტელეარხია", - განაცხადა მან.
სააკაშვილმა აღნიშნა, რომ რაც უფრო მეტი ტელეარხი იქნება, საზოგადოება მით უფრო ბევრ და სრულყოფილ ინფორმაციას მიიღებს.