"მე არ ვარ ოპტიმისტურად განწყობილი რუსტამ იბრაჰიმბეიოვის საჭირო დროს აზერბაიჯანში დაბრუნების, საარჩევნო კამპანიაში მონაწილეობის მიღების მიმართ".
მანაფლიმ განაცხადა, რომ ეროვნული საბჭოს ერთადერთ კანდიდატს რუსტამ იბრაჰიმბეიოვს რუსეთის მოქალაქეობაზე უარი ეროვნული საბჭოს შექმნისთანავე უნდა ეთქვა: "მაგ შემთხვევაში, ეროვნული საბჭო ასეთ მდგომარეობაში არ იქნებოდა. რუსტამ იბრაჰიმბეიოვი ოპოზიციის გასაერთიანებლად სწორად არჩეული ფიგურა იყო. თუმცა მე რუსტამ იბრაჰიმბეიოვის ერთადერთი კანდიდატობის საკითხშიც გულგრილი დავრჩი. იმიტომ რომ რუსტამ იბრაჰიმბეიოვი აზერბაიჯანში ჩამოსვლის, ყველა საკითხის განხილვის შემდეგ უნდა გამხდარიყო ეროვნული საბჭოს ერთადერთი კანდიდატი. ასე რომ მომხდარიყო, დღეს ასეთ მდგომარეობაში არ ვიქნებოდით. ამიტომაც ამ პროცესებთან დაკავშირებით ოპტიმისტურად არ ვარ განწყობილი".
მანაფლიმ განაცხადა, რომ ეროვნულმა საბჭომ იბრაჰიმბეიოვთან დაკავშირებით განხილვები თავიდან უნდა აწარმოოს და კონკრეტული გადაწყვეტილებები უნდა მიიღოს: "ამჟამად ამ საკითხიდან გამოსავალს ვერ ვხედავ. იმიტომ რომ რუსტამ იბრაჰიმბეიოვის წინ ბარიერი ხელოვნური აღარ არის".