უახლოეს მომავალში, თურქეთი, შესაძლოა, გერმანიის დასწრებით "გაზპრომის" საწვავის უმსხვილესი იმპორტიორი გახდეს. "გაზპრომის" ხელმძღვანელი ალექსეი მილერი ასეთი განცხადებით გამოვიდა:
"ჩვენ, უახლოეს მომავალში, თურქეთთან ხელშეკრულებებში მაქსიმალურ რაოდენობაზე - 30 მილიარდ კუბურ მეტრამდე შეიძლება ავიდეთ, ეს კი 20%-ით ზრდაა. თურქეთი, შესაძლოა, უახლოეს მომავალში, გერმანიას დაასწროს და ჩვენი იმპორტიორი გახდეს", - განაცხადა მან.
მისი თქმით, 2013 წელს კომპანიის ევროპასა და თურქეთში გაყიდვების საერთო რაოდენობა 160 მილიარდ კუბურ მეტრს მიაღწევს.

28 ივნისს ჩინეთის ავტონომიურ პროვინცია უიგურ-სინჯანში ახალი შეტაკებების შესახებ ახალი ინფორმაცია გავრცელდა.
ქვეყნის ოფიციალურ საინფორმაციო სააგენტოებს ქალაქ ჰოტანში მომხდარი დაპირისპირების მიზეზებზე დანაკარგების შესახებ ინფორმაცია არ გაუვრცელებია.
ინფორმაციის მიხედვით, ჩინეთის მედია პროვინციაში მომხდარ მოვლენებზე ცალმხრივი და სიმართლის დამალვის ინფორმაციას ავრცელებს.
მიუხედავად ამ ყველაფრისა, არაოფიციალური წყაროების გავრცელებული ინფორმაციით, პოლიციამ მშვიდობიან პროტესტანტებს ცეცხლი გაუხსნა. ბევრი დაღუპული და დაშავებული ადამიანია. წინასწარი ინფორმაციით, გახსნილი ცეცხლისა და შეტევების შედეგად სულ მცირე 35 უიგური დაიღუპა.