უეფამ 2012/2013 წლების ევროპის საუკეთესო მოთამაშის წოდების ათი კანდიდატის სია გამოაქვეყნა.
სია უეფაში შემავალი ქვეყნების ჟურნალისტების ხმის მიცემის შედეგად შეადგინეს. ათეულში "ბავარიას" კლუბის 4 ფეხბურთელი - ტომას მიულერი, ფრანკ რიბერი, არიენ რობენი და ბასტიან შვაინშტაიგერი შევიდნენ. გარდა ამისა კრიშტიანუ რონალდუ ("რეალი"), ლიონელ მესი ("ბარსელონა"), ზლატან იბრაჰიმოვიჩი (პსჟ), ქარეტ ბეილი ("ტოტენხემი"), რობერტ ლევანდოვსკი ("ბორუსია") და რობინ ვან პერსიც (მანჩესტერ იუნაიტედი) შევიდნენ.

მსოფლიო ფეხბურთის ვარსკვლავმა, პორტუგალიის ნაკრებისა და მადრიდის რეალის მოთამაშემ კრიშტიანუ რონალდუმ თბილისში კვირას თბილისი "დინამოს" საფეხბურთო აკადემია გახსნა.

სკოლას ვიტალი დარასელიას სახელი დაარქვეს.

გახსნაზე აგრეთვე უკრაინის ფეხბურთელი ანდრეი შევჩენკო და საქართველოს ენერგეტიკის მინისტრი, საქართველოს ნაკრების ყოფილი კაპიტანი კახი კალაძეც იყვნენ.

თბილისის "დინამოს" პრეზიდენტის რომან პიპიას განცხადებით, ეს რეგიონში ყველაზე დიდი და თანამედროვე საფეხბურთო სკოლაა.

რონალდუმ, თავის მხრივ, განაცხადა, რომ იგი ყოველთვის მოხარულია საფეხბურთო სკოლების გახსნასთან დაკავშირებით ღონისძიებებში მონაწილეობით.

"ძალიან კარგია, ბავშვების ფეხბურთელად ჩამოყალიბების და შემდეგ მათი ცხოვრების უზრუნველყოფის შესაძლებლობის ქონა" - განაცხადა რონალდუმ.