Bakı Slavyan Universitetində Ukrayna ilə Azərbaycan arasında diplomatik münasibətlərin 25 illiyinə həsr olunmuş tədbir keçirilib.

APA-nın məlumatına görə, tədbirdə Ukrayna-Azərbaycan parlamentlərarası dostluq qrupunun üzvləri, millət vəkilləri, digər şəxslər iştirak edib.

BSU-nun rektoru Nurlanə Əliyeva Azərbaycanın müstəqilliyinin bərpasından sonra Ukrayna ilə ikitərəfli münasibətlərin xüsusi yer tutduğunu deyib. O, hazırda universitetdə 44 tələbənin Ukrayna dilini öyrəndiyini, universitetdəki 11 mədəniyyət mərkəzi arasında ilk olaraq Ukrayna Mərkəzinin açıldığını nəzərə çatdırıb.
 
Ukraynanın Azərbaycandakı səfiri Aleksandr Mişşenko iki ölkə arasında münasibətlərin qarşılıqlı hörmət və məhəbbətə əsaslandığını söyləyib. Diplomatın sözlərinə görə, istər sovet vaxtında, istərsə də müasir zamanda bu münasibətlərin xüsusi statusu olub: “Hazırda Ukraynada 6 min azərbaycanlı tələbə oxuyur. Bu, həm də ona görə vacibdir ki, azərbaycanlılar Ukraynanın təhlükəsiz yer olduğunu anlayır”.

AMEA-nın vitse-prezidenti, akademik İbrahim Quliyev qeyd edib ki, hər iki ölkə müstəqillikdən sonra öz ərazilərində hərbi münaqişələrin yaranması ilə rastlaşıb.

 
Ukrayna Ali Radasının Azərbaycanla dostluq qrupunun sədri Maksim Kuryaçiy bildirib ki, Ukraynada münaqişə başladıqdan ordu sıralarına ilk qatılanların arasında azərbaycanlılar da olub. Ordunun yenidən qurulmasında və könüllülər hərəkatında azərbaycanlıların yaxından iştirak etdiyini deyən deputatın qənaətinə görə, bu, Ukraynada çox yüksək qiymətləndirilir: “Azərbaycan Qafqaz və Xəzər regionunda vacib oyunçudur. Buradakı neft-qaz layihələrində əsas iştirakçılardan biridir. Biz güclü, çiçəklənən və inkişaf edən Azərbaycan görməkdə maraqlıyıq”.

Millət vəkili Rüfət Quliyev elm və mədəniyyət sahəsində münasibətlərin inkişaf etdirilməsinin vacibliyini vurğulayıb.

Sonra tədbir bədii hissə ilə davam edib. 

Türkiyə və Səudiyyə Ərəbistanı Silahlı Qüvvələrinin Suriyaya hücumu istisna edilmir.

AzNews.az-ın ans press-ə istinadən məlumatına görə, bu sözləri Suriya prezidenti Bəşər Əsəd "Frans Press" agentliyinə müsahibəsində deyib.

O, ölkəsinin tamamilə azad olunana qədər terrorçularla mübarizəni davam etdirəcəyini bəyan edib. "Əgər Suriya belə bir hücumla qarşılarşarsa, ölkəsinin hərbi hava qüvvələri tam gücü ilə müqavimət göstərəcək. Bizim əsas məqsədimiz Hələb şəhəri Türkiyə arasında olan nəqliyyat yoluna nəzarəti bərpa etməkdir", - deyə Əsəd bildirib.

Bəşər Əsəd onu da əlavə edib ki, Suriya müharibəsi üzrə sülh danışıqlar davam edərkən də hücumlar davam etdiriləcək.

Suriyada 2011-ci ildən silahlı münaqişə davam etməkdədir. Birləşmiş Millətlər Təşkilatının verdiyi açıqlamalara görə, indiyənə qədər münaqişə zəminində 220 mindən çox insan həlak olub. Türkiyə prezidenti Rəcəb Tayyib Ərdoğan isə bəyan edib ki, Bəşər Əsədin əli 400 min insanın qanına batıb.

İŞİD əsasən İraq və Suriya ərazisində fəaliyyət göstərən silahlı paramilitar terror qruplaşmasıdır. 3 yanvar 2014-cü il tarixində müstəqilliyini, 29 iyun 2014-cü il tarixində isə yeni xilafət yarandığını elan etmiş terror təşkilatıdır.