Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	986
	Dünən	3813
	Bu həftə	14727
	Bu ay	81132
	Bu günə qədər	9742497

Bizi Paylaşın

Video Xəbərlər

Təqvim

Dalga TeleviziyasA�

Yanlış iynə 5 yaşlı uşağı öldürdü – Bakıda

ხუთშაბათი, 22 დეკემბერი 2016 13:18 |

5 yaşlı Fatimə Sərdarova həkim səhlənkarlığının qurbanı olub.

Sabunçu rayonu, Bakıxanov qəsəbəsində yaşayan 5 yaşlı Fatimə Sərdarovanın iki gün əvvəl qızdırması qalxıb. Tibb bacısı bununla əlaqədar ona antibiotik iynə vurub. Bundan sonra uşağın bədəni göyərib və az sonra dünyasını dəyişib.

Ərazi üzrə 22 saylı uşaq polikilinikasının baş həkimi Rəna Qurbanova AzNews.az-a açıqlamasında hadisənin rəhbərlik etdiyi səhiyyə ocağında baş vermədiyini bildirib:

“Hadisə Fatimənin öz yaşadığı evində olub. Uşağa iynəni bizim polikilinkanın tibb bacıları vurmayıb. İynəni uşağa kim vurub, bu barədə məlumatsızam.”

Gürcüstanda Heydər Əliyevin xatirəsinə həsr olunmuş növbəti pulsuz müayinə aksiyası keçirilib

კვირა, 18 დეკემბერი 2016 22:32 |

Gürcüstanın nüfuzlu xəstəxanalarından olan “Vakedə klinika” səhiyyə müəssisəsi azərbaycanlılar üçün növbəti pulsuz müayinə aksiyası keçirib.

Budəfəki aksiya azərbaycanlıların yığcam yaşadıqları Dmanisi rayonunda təşkil olunub.

Aksiyada iştirak edən 100-dək azərbaycanlı, eləcə də gürcü və digər millətlərin nümayəndələri pulsuz olaraq həkim müayinəsindən keçiblər.

Klinikanın yüksək ixtisaslı həkimləri insanları müayinə edib, müalicələri ilə bağlı tövsiyələrini veriblər.

“Vakedə klinika”nın baş direktoru, professor Zinaida Vaşakidze jurnalistlərə müsahibəsində deyib: “Biz, bundan əvvəl Azərbaycan xalqının ümummilli lideri, gürcü xalqının böyük dostu Heydər Əliyevin anım günü ilə əlaqədar Marneulidə pulsuz müayinə aksiyası keçirdik. Bu gün dəniz səviyyəsindən 2500 metr yüksəklikdə yaşayan insanları müayinə edirik. Bu aksiyamız da dünya şöhrətli siyasətçi, qəlbimizdə əbədi yaşayan Heydər Əliyevin xatirəsinə həsr olunub. Belə bir dahi şəxsiyyətin anım günü ilə əlaqədar azərbaycanlılar yaşayan bölgələrdə pulsuz müayinələr təşkil etməkdən qürur duyuruq”.

Onun sözlərinə görə, bu cür aksiyalar azərbaycanlıların yığcam yaşadıqları Bolnisi, Qardabani və digər bölgələrdə də təşkil ediləcək.

Dmanisi rayon icra hakimiyyəti başçısının müavini Arif Süleymanov deyib ki, bu gün əksər insanların müayinə və müalicə üçün paytaxt Tbilisiyə getmək imkanı yoxdur. Belə aksiyanın təşkili, insanlara qayğı rayon ictimaiyyəti tərəfindən yüksək qiymətləndirilir.

Gürcüstan Müsəlmanlar İttifaqı ölkənin Dini İşlər üzrə Dövlət Agentliyinin ləğvini tələb edir

ორშაბათი, 12 დეკემბერი 2016 16:45 |

Gürcüstan Müsəlmanlar İttifaqı ölkənin Dini İşlər üzrə Dövlət Agentliyinin ləğvini tələb edir.

“Report” Gürcüstan KİV-inə istinadən xəbər verir ki, bunu ittifaqın sədri Tariel Nakaidze bildirib.

Onun sözlərinə görə, agentlik dini azlıqların inkişafına mane olur: “Ölkədəki müsəlman icmasının vəziyyəti acınacaqlıdır. Biz özümüzü ikinci növ vətəndaşlar kimi hiss edirik. Bunun səbəbkarı Dini İşlər üzrə Dövlət Agentliyidir. Bu qurum bizə çox ciddi problemlər yaradır. Əslində isə agentlik dini qurumlarla, icmalarla dövlət arasında əlaqələndirici olmalıdır. Ancaq agentlik yeri gəldi-gəlmədi bizim işlərə müdaxilə edir, bizi daimi nəzarətdə saxlamağa çalışır. Bu isə dövlətimiz üçün ciddi problemdir”.

Xəzərdə estakadada baş vermiş qəza ilə bağlı cinayət işi başlanıb

პარასკევი, 16 დეკემბერი 2016 19:52 |

Prezident İlham Əliyevin 2016-cı il dekabrın 15-də Xəzər dənizində Dövlət Neft Şirkətinin “Azneft” İstehsalat Birliyinin N.Nərimanov adına Neft-Qaz Çıxarma İdarəsinin 3 saylı neft yığım məntəqəsində baş vermiş hadisənin səbəblərinin araşdırılması barədə imzaladığı sərəncamın icrası ilə əlaqədar hadisənin texniki səbəblərinin müəyyən edilməsi, müvafiq istintaq hərəkətlərinin aparılması, o cümlədən xüsusi biliklərə malik olan mütəxəssislər cəlb olunmaqla texniki təhlükəsizlik və digər ekspertizaların keçirilməsi zərurətini nəzərə alaraq faktla bağlı Cinayət Məcəlləsinin 162.2-ci (Əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.

Baş Prokurorluğunun mətbuat xidmətindən APA-ya verilən məlumata görə, istintaqın aparılması Baş Prokurorluğun Ağır cinayətlərə dair işlər üzrə istintaq idarəsinə tapşırılmaqla hadisənin baş vermə səbəblərinin müəyyənləşdirilməsi məqsədi ilə Fövqəladə Hallar Nazirliyi və Baş Prokurorluğun əməkdaşlarından ibarət istintaq-əməliyyat qrupu yaradılıb.

Hazırda iş üzrə zəruri istintaq-əməliyyat tədbirləri davam etdirilir.

Qeyd edək ki, dekabrın 15-də səhər saat 05:00 radələrində Xəzər dənizində 41 metr/saniyə sürəti ilə əsən güclü külək "Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin sağ və sol hissəsində yerləşən estakadanın uzunluğu təqribən 150 metr olan hissəsini dənizə uçurub. Estakadanın həmin hissəsi özü ilə birlikdə ona bitişik olan meydançanı və üzərindəki yaşayış budkasını da uçurub.

İlkin məlumata görə, qəza nəticəsində 9 nəfər itkin düşüb.

Hadisənin araşdırılması məqsədi ilə birgə xüsusi komissiya yaradılıb.

Ana səkkiz uşağını öldürdü

კვირა, 15 ნოემბერი 2015 22:20 |

Bavariyanın Vallenfels şəhərinin 45 yaşlı sakini 8 övladını öldürdüyünü etiraf edib. Modern.az-ın xarici mediaya istinadən verdiyi xəbərə görə, qadın noyabrın 13-dən 14-nə keçən gecə Vallenfelsdən 15 kilometr aralıdakı Kronax şəhərindəki otellərdən birində saxlanılıb.
Uşaqların meyitləri noyabrın 13-də qadının 18 il əri, anası və 5 uşağı (cütlüyün 3 uşağı özlərininki, ikisi isə birinci nikahlarından) ilə birgə yaşadığı mənzildə aşkarlanıb. Öldürülən uşaqların yaşı hələ ki, müəyyənləşdirilməyib. “Cəsədlər çox pis vəziyyətdədir. Aydındır ki, onların bir neçəsi uzun illər qalıb. Ekspertizanın nəticəsi gələn həftə gözlənilir”, - dairə prokuroru Martin Dippold deyib. Digər məlumata görə, qadın ərindən sentyabr ayında ayrılıb.

კატეგორია: Dünya / Dünya

უფრო მეტი სტატია...