Bu gün Bakıda mərhum eks-prezident Heydər Əliyevin anadan olmasının 91-ci ildönümü ilə bağlı Gül bayramı keçirilir. AzNews.az xəbər verir ki, Gül bayramının açılışını səhər saatlarında ölkə başçısı İlham Əliyev edib. Prezident bu bayramına ailə üzvləri ilə qatılıb.

Bundan sonra şəhər əhalisi üçün açıq elan edilən parka milyonlarla insan axışıb.

Onların arasında ölkəmizdə fəaliyyət göstərən diplomatik korpus nümayəndələri, siyasətçilər, millət vəkilləri, ayrı-ayrı rayonların icra başçıları, sənət adamları, eləcə də turistlər də olub.

Bayramın təşkili ilə bağlı paytaxta 6 milyon gül gətirilib. Ötən ildən fərqli olaraq bu il güllərin çoxu dibçəklərdə sərgilənir.

Gül bayramı ilə bağlı Silahlı Qüvvələrin şəxsi heyəti Bakıda nizami yürüş keçirib. Bəhram Gurun heykəli qarşısından başlayan yürüş Azadlıq meydanına kimi davam edib. Bakı Qarnizonu qoşunlarının iştirakı ilə keçirilən nizami yürüş-gəzinti şəhərin müxtəlif istiqamətlərində 10 marşrut üzrə təşkil olunub.

Bakı Şəhər İcra hakimiyyətindən verilən məlumata görə, Gül bayramı bir neçə gün davam edəcək.

Danimarkanın Kopenhagen şəhərində “B and V” arenada təşkil olunan mahnı müsabiqədə açılış performansından sonra səhnəyə ilk olaraq 59-cu “Eurovision” mahnı müsabiqəsinin final şousunda adı birinci olan ukraynalı müğənni Mariya Yeremçuk çıxıb.

Onun ardınca isə Belarus, Azərbaycan, İslandiya, Norveç, Rumıniya, Ermənistan, Monteneqro, Polşa, Yunanıstan, Avstriya, Almaniya, İsveç, Fransa, Rusiya, İtaliya, Sloveniya, Finlandiya, İspaniya, İsveçrə, Macarıstan, Malta, Danimarka, Niderland, San Marino, Birləşmiş Krallığın yarışmadakı təmsilçiləri performanslarını təqdim ediblər.

Səsvermə üçün ayrılmış vaxtda müsabiqənin təşkilatçıları tərəfindən hazırlanmış şou nümayiş etdirilib.

59-cu dəfə təşkil olunan yarışmanın sonunda sms-səsvermə və proffesional juri seçimi nəticəsində "Eurovision 2014"ün qalibi 290 xal toplayan Avstriyanın transseksual iştirakçısı Konçita Vürst oldu.

İkinci pillənin sahibi 238 xalla Niderland təmsilçisi İlse Delange, üçüncü pillənin sahibi isə 218 xalla İsveç təmsilçisi Sanna Nielsen oldu. Təmsilçimiz Dilarə Kazımova müsabiqəni 22-ci pillədə başa vurdu.

Azərbaycan 8 xalını Macarıstana, 10 alını Ukraynaya, 12 xalını isə Rusiyaya verib.

Azərbaycana səs verən ölkələr arasında bunlar olub:

San Marino – 12 xal

Rusiya- 10 xal

Gürcüstan – 7 xal

Belarus- 3 xal

Ukrayna – 1 xal

Xatırladaq ki, Azərbaycan bu müsabiqədə 2008-ci ildən iştirak edir və 2011-ci ildə “Ell and Nikki” duetin “Running Scared” mahnısı ilə müsabiqənin qalibi olub.