"Ermənistan tərəfi Bakı-2015 Avropa Oyunlarında iştirakını təsdiqləyib". APA-nın xəbərinə görə, bunu Avropa Olimpiya Komitəsinin prezidenti Patrik Hikki Bakıda keçirilən mətbuat konfransında deyib: "Bir neçə həftə əvvəl Beynəlxalq Olimpiya Komitəsinin prezidenti Tomas Baxla birlikdə Ermənistanda oldum. Ermənistanla danışıqlar normal keçdi. Erməni tərəfi həmçinin indi başa çatan Baş Assambleyada iştirak edib. Ermənistanı təmsil edən iki nümayəndə ilə müzakirələr apardım. Ermənistan tərəfi 49 iştirakçı ölkədən biri kimi yarışlara qatılacaq".

Pattik Hakkinin sözlərinə görə, Olimpiya oyunlarına hazırlıq üçün ölkələrə 5-7 il vaxt verilir. Azərbaycan isə bu işləri 2 ildə yüksək səviyyədə yerinə yetirir.

Azərbaycan Milli Olimpiya Komitəsinin I vitse-prezidenti Çingiz Hüseynzadə isə Olimpiya Oyunlarından və qaydalardan danışıb. O bildirib ki, 20 idman növü üzrə yarışlar keçiriləcək. Yeni qaydalara əsasən, güləşin hər üç növü üzrə 6 çəki qaydası saxlanılıb. Bu, Beynəlxalq Güləş Federasiyasının qəbul etdiyi qərardır.

Türkiyənin Antalya şəhərində 20 yaşlı Mahir Çətin kürd dilində danışdığına görə 15 gənc tərəfindən döyülərək öldürülüb.

AzNews.az xəbər verir ki, bu haqda Türkiyənin “Milliyet” qəzeti yazıb.

Məlumata görə, Antalyanın Kaşi rayonunda fəaliyyət göstərən kafelərdən birində iki gəncin kürd dilində danışması kafedə oturan türkləri qıcıqlandırıb və onlar niyə “Türkiyədə kürd dilində danışırsınız?” sualına cavab istəyiblər.

Nəticədə dava düşüb və 20 yaşlı Mahir Çətin hadisə yerində keçinib.

Kafedəki kameralara baxış keçirəndən sonra məlum olub ki, ölən gənc cəmi 10 saniyə zərbəyə dözə bilib.