"Miss Rusiya-2015"-in qalibinin Rusiya bayrağının rəngləri ilə improvizasiya olunmuş paltarla fotosessiyası sosial şəbəkədə böyük qalmaqala səbəb olub.

ANS PRESS-in məlumatına görə, ictimaiyyət Sofiya Nikitçukun bu fotosunu dövlət simvolunun təhqir olunması kimi dəyərləndiriblər.

"Stolnik" jurnalının may nömrəsi üçün çəkilən şəkillərdə "Miss Rusiya" nüfuzlu müsabiqəsinin qalibi faktiki olaraq Rusiyanın bayrağına bükülmüş halda görünür. Don və parçalar məhz bayrağı simvolizə edir. Bu dövlət simvoluna təhqirdir”, - deyə xəbərdə bildirilir.

Qeyd edək ki, humanitar elmlər və incəsənət fakültəsinin tələbəsi Sofiya Nikitçuk "Miss Rusiya - 2015"in qalibi seçilib.

21 yaşlı qız bu qələbəsi sayəsində 3 milyon rubl (təxminən 63 min manat) və avtomobil də qazanıb. İndi Nikitçuk ölkəsini dünya gözəli müsabiqələrində də təmsil edəcək.

Mayın 1-nə keçən gecə Odessanın Lev Tolstoy meydanında İ.Meçnikov adına Odessa Milli Universitetinin sərxoş tələbələri arasında münaqişə baş verib və nəticədə dörd əcnəbi tələbə güllə yarası alıb.

"Report" Ukrayna KİV-nə istinadən xəbər verir ki, bu barədə hüquq-mühafizə orqanlarındakı mənbə məlumat verib.

Milisdən qeyd ediblər ki, atışma bolqar və azərbaycanlı gənclərin mübahisəsinin yekunu olub. Mübahisə zamanı bolqar tələbə qaçıb və həmyerlilərimiz onu təqib etməyə başlayıblar. Daha sonra bolqar tələbə üzərindəki səsboğucusu olan döyüş tapançası ilə arxasınca gələnlərə bir neçə dəfə atəş açıb.
Mənbənin məlumatına görə, insident nəticəsində azərbaycanlı tələbələr omba, qarın, çiyin və əl nahiyələrindən güllə yaraları alıblar.

İstintaq zamanı müəyyən edilib ki, bolqar tələbə silahı Ukrayna ərazisinə qanunsuz olaraq keçirib.