ახალი აზერბაიჯანის პარტიის (ააპ) თავმჯდომარის ილჰამ ალიევის დოკუმენტაცია 20 აგვისტოს ცენტრალურ საარჩევნო კომისიას წარუდგინდება.
ეს ააპ-ის აღმასრულებელი მდივნის მოადგილემ, დეპუტატმა მუბარიზ კურბანლიმ განაცხადა. მან აღნიშნა, რომ ილჰამ ალიევის დოკუმენტაცია უკვე მზადაა: "ყველა რეგიონიდან შესული ხელმოწერების ფურცლები პარტიის აღმასრულებელ სამდივნოში სრულად გადამოწმდა და წარსადგენად უკვე მზადაა. მაგრამ კანონმდებლობის თანახმად, არჩევნებამდე 50 დღით ადრე ხელმოწერების ფურცლების წარდგენა შესაძლებელია. ამიტომაც ჩვენ მიუხედავად იმისა, რომ ხელმოწერების კამპანია ჩვენ დროზე ადრე დავამთავრეთ, დოკუმენტაცია ცესკოში ხვალ - 20 აგვისტოს წარედგინება".
ხელმოწერების კამპანიაში 1000-მდე პარტიის აქტივისტი მონაწილეობდა.
შეგახსენებთ, რომ ცესკომ 10 აგვისტოს ჩატარებულ სხდომაზე ილჰამ ალიევის კანდიდატურა დაადასტურა.
ხელმოწერების კამპანიის ბოლო ვადა 9 სექტემბერია. ის პარტიები, რომლებმაც ხელმოწერების ფურცლები ამ დღემდე წარადგინეს, ამ დღის შემდეგ ცესკოში დარეგისტრირების შემდეგ პროპაგანდა-აგიტაციის კამპანიის დაწყებას შეძლებენ.

"სომხეთისთვის, ისევე, როგორც სხვა მეზობლებისთვის დემოკრატიისკენ მიმავალი მიზეზები უფრო მნიშვნელოვანია. აქედან კი გამომდინარეობს, რომ როგორც მეზობელი, კერძოდ კი მოლაპარაკებებში როგორც პარტნიორი ჩვენთვის დემოკრატიული აზერბაიჯანი ცალსახად უფრო მიზანშეწონილია"
ეს სომხეთის პრეზიდენტმა სერჟ სარკისიანმა გუშინ ცახკაძორში სომეხი ახალგაზრდების შეკრების დასრულების ცერემონიაზე მისთვის დასმულ შეკითხვას "აზერბაიჯანის საპრეზიდენტო არჩევნებზე სომხეთი რომელ კანდიდატს ანიჭებს უპირატესობას", საპასუხოდ განაცხადა: "კანდიდატებს შორის ყველაზე ღირსეული ილჰამ ალიევია".
"ჩვენ მთიანი ყარაბაღის კონფლიქტის მოგვარებასთან დაკავშირებით რთული, მაგრამ ხანგრძლივი მოლაპარაკებები ჩავატარეთ. პრობლემის მოგვარების გზის კონტურები, შეიძლება ითქვას, დახაზულია. მინსკის ჯგუფის თანათავმჯდომარეების მიერ შემოთავაზებული პრინციპები ნათლად მივიღეთ. 4 წელია ამ პრინციპების ირგვლივ აქტიურ მოლაპარაკებებს ვაწარმოებთ. ვერ ვიტყვი, რომ მოლაპარაკებების პროცესი აქტიურად მიდის, თუმცა საკმაოდ გრძელი გზა გავიარეთ".