მმართველმა ახალი აზერბაიჯანის პარტიამ (ააპ) საკუთარი კანდიდატის, ბატონი ილჰამ ალიევის საარჩევნო საბუთების ცენტრალურ საარჩევნო კომისიისთვის (ცესკო) წარდგენისთვის მზადება დაიწყო.
ამის შესახებ ააპ-ის თავმჯდომარის მოადგილემ - აღმასრულებელმა მდივანმა ალი ახმედოვმა განაცხადა.
ახმედოვმა აღნიშნა, რომ ამასთან დაკავშირებით გარკვეული საბუთები მზადდება: "მე ვფიქრობ, რომ დღეს, მაქსიმუმ ხვალ, ააპ საკუთარი კანდიდატის საარჩევნო საბუთებს ცესკოს წარუდგენს".
აღსანიშნავია, რომ ააპ 7 ივნისს ჩატარებელ V ყრილობაზე საპრეზიდენტო არჩევნებში აზერბაიჯანის პრეზიდენტის, პარტიის ლიდერის ილჰამ ალიევის კანდიდატურის წარდგენის შესახებ გადაწყვეტილება მიიღო.
შეგახსენებთ, რომ აზერბაიჯანის რესპუბლიკის პრეზიდენტობის კანდიდატების წარდგენის პროცესს სტარტი მიეცა.
საარჩევნო კოდექსის მიხედვით, პრეზიდენტობის კანდიდატების წარდგენა აქტიურ (პასიურ) საარჩევნო უფლების მქონე მოქალაქეებს, ამომრჩევლების საინიციატივო ჯგუფებს, პოლიტიკურ პარტიებს, პოლიტიკური პარტიების ბლოკებს შეუძლიათ.
ცესკომ საპრეზიდენტო არჩევნების 9 ოქტომბერს ჩატარება გადაწყვიტა.
ბოლო საპრეზიდენტო არჩევნები 2008 წლის 15 ოქტომბერს ჩატარდა. აზერბაიჯანში საპრეზიდენტო არჩევნები ყოველ ხუთ წელიწადში ტარდება.

"ეროვნულ საბჭოში ორი კანდიდატის არსებობა ჯგუფის განადგურებას არ ნიშნავს. თუმცა მეორე კანდიდატის სარეზერვო კანდიდატის დასახელება ბოლოს საკუთარ თავს მიაყენებს დარტყმას".
ეს ეროვნული საბჭოს წევრმა და მოძრაობა "ერის" უმაღლესი საბჭოს თავმჯდომარემ ელდენიზ გულიევმა განაცხადა. მისი თქმით, ეროვნულ საბჭოს ერთი კანდიდატი ჰყავს და სარეზერვო კანდიდატის საჭიროება არ არის: "ეროვნული საბჭოს კანდიდატი ერთია და ერთი იქნება. კანდიდატობის საკითხის დაყენება გასაკვირია. რადგან ორი დღის წინ უაღრესად აღინიშნებოდა, რომ მუსავატი საკუთარ აზრზე რჩება".
გულიევმა განაცხადა, რომ ისა გამბარი ეროვნული საბჭოს ერთ-ერთი ძირითადი ფიგურაა და ამ მხრივ, მისი წამოყენებული ყველა წინადადება ეროვნულ საბჭოში განიხილება: "თუ მუსავატის ლიდერი ამ საკითხს ეროვნულ საბჭოში დააყენებს, რა თქმა უნდა, ამას განვიხილავთ".