აზერბაიჯანის დიპლომატები ჯერაც ვერ შეხვედრილან ეგორ შერბაკოვის მკვლელობაში ეჭვმიტანილ ორხან ზეინალოვს.
ამის შესახებ ინფორმაცია აზერბაიჯანის საელჩომ რუსეთში გაავრცელა.
ინფორმაციის თანახმად, აზერბაიჯანის საელჩომ რუსეთის საგარეო საქმეთა სამინისტროს ორხან ზეინალოვთან შეხვედრის პირობების შექმნასთან დაკავშირებით განმეორებითი ნოტა გაგზავნა. ამავდროულად წერილი გაუგზავნეს რუსეთის საგამოძიებო კომიტეტის თავმჯდომარეს ალექსანდრ ბასტრიკინს.