საქართველოს საელჩომ, საქართველოს რამდენიმე მოქალაქისათვის ქვეყანაში შესვლის აკრძალვის თაობაზე, უკრაინას ოფიციალური ნოტით მიმართა. ამის შესახებ ტელეკომპანია „უკრაინას“ პროგრამა „სობიტიაში“ უკრაინაში საქართველოს ელჩმა, მიხეილ უკლებამ განაცხადა.

„ჩვენ, ბუნებრივია, ოფიციალური ნოტით მივმათეთ, როგორც ეს მიღებულია საელჩოებისთვის, უკრაინის საგარეო საქმეთა სამინისტროს. ახლა ოფიციალურ პასუხს ველით“, - თქვა უკლებამ.

ამავდროულად, უკრაინის საგარეო სამეთა სამინისტროში ირწმუნბიან, რომ უკრაინაში ესვლის აკრძალვა - მათ კომპეტენციაში არ შედის.

„ასეთ ორგანოებს განეკუთვნება უკრაინის უსაფრთხოების სამსახური, შინაგან საქმეთა სამინისტრო, სასაზღვრო სამსახურის დეპარტამენტი და მიგრაციის კონტროლის სახელმწიფო სამსახური“, - აღნიშნა უკრაინის საგარეო საქმეთა მინისტრმა ლეონიდ კოჟარამ.

შეგახსენებთ, რომ სახალხო დეპუტატმა ოლეგ ცარევმა (პარტია რეგიონები) "Коммерсант-Украина"-ს შეატყობინა, რომ უკრაინის საგარეო საქმეთა სამინისტრომ და უსაფრთხოების სამსახურმა დაამტკიცა მისი მოთხოვნა უკრაინაში 36 ადამიანისთვის შესვლის აკრძალვის შესახებ, რომელთა შორის საქართველოს ყოფილი პრეზიდენტი მიხეილ სააკაშვილი, აშშ-ისა და ევროკავშირის მოქალაქეები შედიან. ისინი ყველანი ეჭვმიტანილნი არიან „ოპოზიციისათვის ქვეყანაში სიტუაციის დესტაბილიზაციის კონსულტაციებში“.

როგორც ცნობილია, 7 დეკემბერს სააკაშვილი კიევში დამოუკიდებლობის მოედანზე გამოვიდა და უკრაინის ევროპაში ინტეგრაციას მხარი დაუჭირა. „სააკაშვილს აქ არაფერი ესაქმება, წავიდეს საქართველოში და ქართველ ხალხს შეხვდეს! ის აქ ჩამოვიდა თავის გუნდთან ერთად, რომელმაც „ვარდების რევოლუცია“ მოაწყო. ისინი ყველანი უკრაინაში მოეწყვნენ და მოდერატორობდნენ რევოლუციას, რომლის ორგანიზებასაც ოპოზიცია ცდილობდა“, - განაცხადა ცარევმა. სიაში სააკაშვილთან ერთად საქართველოს 29 მოქალაქე მოხვდა.