"Gürcüstan gələcəkdə də Azərbaycanla əməkdaşlığı davam etdirəcək və Azərbaycan qazının idxalını əvəzləmək niyyətində deyil".

"Dalğa TV" Gürcüstan KİV-inə istinadən xəbər verir ki, bunu jurnalistlərə Gürcüstan baş nazirinin müavini Kaxa Kaladze bildirib.

"Söhbət əvəzetmədən getmir, söhbət bu gün ölkə və bazarın ehtiyac duyduğu əlavə həcmdən gedir. Müflisləşən siyasi partiyalar, siyasi fiqurlar bunu bir problem kimi, Gürcüstanın Azərbaycanı əvəzləmək istəməsi kim qələmə vermək istəyir. Bu yalandır. Biz illərdir ki, Azərbaycanla əməkdaşlıq edirik və bu əməkdaşlığı gələcəkdə də davam etdirəcəyik", - K.Kaladze qeyd edib.