"Rusiya Federasiyası tərəfindən gürcülər üçün viza rejiminin ləğvi barədə bəyanatdan xəbərdarıq. Bu, doğru istiqamətdə olan addımdır."

Gürcüstan hökuməti administrasiyanın İctimaiyyətlə əlaqələr şöbəsindən  verilən məlumata görə, bu bəyanatla Gürcüstanın baş naziri İrakli Qaribaşvili çıxış edib.

İ. Qaribaşvili bildirib ki, Rusiyadan olan turistlərin cəlb edilməsi və xalqlar arasında əlaqələrin dəstəklənməsi üçün 2011-ci ildə Gürcüstan hökuməti Rusiya vətəndaşları üçün viza rejimini ləğv edib. O, eyni yanaşmanın Rusiyada yaşayan gürcülər üçün əhəmiyyətli olduğunu bildirib: “Gürcüstan və Rusiya arasındakı fikir ayrılıqlarına baxmayaraq, son 3 ildə biz ticarət, nəqliyyat və humanitar sahələrdə irəliyə doğru nəzərəçarpan addımlar atmışıq. Biz Rusiyaya qarşı praqmatik siyasətimizi davam etdirəcəyik. Rusiyadan da bununla bağlı qarşılıq gözləyirik. Yaxın günlərdə biz tarixi hadisə olacaq Avropa Komissiyası tərəfindən Gürcüstan vətəndaşları üçün viza sadələşdirilməsi qərarı gözləyirik. Gürcüstan hökumətinin ehtiyatlı siyasəti konkret nəticələrə gətirib çıxarır. Bu yanaşma isə vətəndaşlarımız və Qərb tərəfdaşlarımız tərəfindən alqışlanır.