Gürcüstanda Azərbaycan və Türkiyə hərbçilərinin iştirak etdiyi “Eternity-2017” kompüter dəstəkli komanda-qərargah təlimi başa çatıb.

APA-nın yerli bürosunun Gürcüstan Müdafiə Nazirliyinə istinadən verdiyi məlumata görə, təlimin bağlanış mərasimində Gürcüstan Silahlı Qüvvələri Baş Qərargahının operativ planlaşdırma departamentinin rəhbəri, polkovnik İrakli Dzneladze və Türkiyənin Gürcüstandakı səfiri Zəki Ləvənt Gümrükçü iştirak ediblər. 
 

Təlimin keçirilməsində məqsəd boru kəmərlərinin mühafizəsi sahəsində strateji əməkdaşlığın gücləndirilməsi üçün çoxmillətli briqadaların mənzil-qərargahının yaradılması olub. Təlimin ssenarisi böhran vəziyyətində Bakı-Tbilisi-Ceyhan boru kəmərinin mühafizəsi ilə bağlı sülhməramlı əməliyyatlara əsaslanıb.