რუსეთში ეგორ შერბაკოვის მკვლელობაში ეჭვმიტანილი ორხან ზეინალოვის ნაცნობმა და თანამემამულემ ალი მამედოვმა საკითხი დააკომენტარა. მან ეგორ შერბაკოვს პროვოკაციაში დასდო ბრალი. რუსეთის მედიის ინფორმაციით, ალი მამედოვი პოკროვის ბაზაში მუშაობს. იგი ორხანის მეზობელი სოფლის სეიფალის მაცხოვრებელია: "ოფიციალური ვერსიით, შერბაკოვმა საყვარელი სახლამდე მიაცილა და ორხანმა მისი გაცნობა სცადა. მაგრამ, როგორც ჩვენთვისაა ცნობილი, ზეინალოვი ამ გოგოს გაჰყვა და სახლის წინ ისინი იმ გოგოს ყოფილმა შეყვარებულმა ნახა. ბიჭმა გოგოს ხელი მოკიდა და განზე გაწია. ორხანმა გოგონას დაცვა სცადა. ხოლო სიკვდილი ორ ადამიანს შორის დაწყებული ჩხუბის შედეგად მოხდა".