Kaxa Kaladze Rövnəq Abdullayev ilə görüşündən danışdı.

SOCAR-ın Gürcüstanın tikdiyi qaz anbarlarında pay sahibi olmaq niyyətindədir.

"Dalğa TV" APA-ya istinadən xəbər verir ki, bu barədə Gürcüstanın baş nazirinin birinci müavini, energetika naziri Kaxa Kaladze bildirib.

Onun sözlərinə görə, bu məsələ onun Bakıya səfəri zamanı SOCAR prezidenti Rövnəq Abdullayev ilə müzakirə olunub.

"Azərbaycan tərəfi bildirib ki, inşasına bu il başlanılacaq qaz anbarlarında pay almaq, həm də maliyyə iştirakçısı olmaq arzusundadır", - deyə nazir qeyd edib.