Tbilisi dünyanın ən təhlükəsiz şəhərlərinin reytinqində 19-cu yeri tutub. Reytinqi populyar “Numbeo” informasiya portalı tərtib edib.

Dalga tv Xeber.ge-yə istinadla xəbər verir ki, reytinqə əsasən, Tbilisidə cinayətkarlıq indeksi 19,96 bal, təhlükəsizlik indeksi isə 80,04 bal təşkil edib.

Azərbaycanın paytaxtı Bakı reytinqdə 71-ci, Ermənistanın paytaxtı Yerevan isə 88-ci yerdədir.

Bakıda cinayətkarlıq indeksi 27,47 bal, təhlükəsizlik indeksi isə 72,53 bal təşkil edib.

Yervanda isə cinayətkarlıq indeksi 29,18 bal, təhlükəsizlik indeksi isə 70,82 bal təşkil edib.

Reytinqə əsasən, dünyanın ən təhlükəsiz şəhəri Abu Dabidir. BƏƏ paytaxtının cinayətkarlıq indeksi 15,51 bal, təhlükəsizlik indeksi isə 84,49 bal təşkil edib.