2020 წლის ზაფხულის ოლიმპიური თამაშების მასპინძლად ტოკიო აირჩიეს.

შესაბამისი გადაწყვეტილება ბუენოს-აირესში საერთაშორისო ოლიმპიური კომიტეტის (სოკ) წევრებს შორის ჩატარებული კენჭისყრის დროს მიიღეს.

"ყველა მიმართვა მაღალ დონეზე იყო. მაგრამ გამარჯვებული მხოლოდ ერთი შეიძლება იყოს. სოკ აცხადებს, რომ ოლიმპიური თამაშები 2020-ის მასპინძელი ტოკიო იქნება", - განაცხადა სოკის პრეზიდენტმა ჟაკ როგემ.

აღსანიშნავია, რომ ზაფხულის ოლიმპიური თამაშების მასპინძლობის კანდიდატები ტოკიო, სტამბოლი და მადრიდი იყვნენ.