პარტია "ქართული ოცნების" საქართველოს პრეზიდენტობის კანდიდატმა გიორგი მარგველაშვილმა წმინდა რამაზანის დღესასწაულთან დაკავშირებით აზერბაიჯანის კომპაქტურად დასახლებული რაიონი ბოლნისის სოფელ ქაფანაქჩიში ორგანიზებულ იფტარის ცერემონიაზე მიიღო მონაწილეობა. ცერემონიაზე გამოსულმა გიორგი მარგველაშვილმა საქართველოში მცხოვრებ მუსულმანებს დღესასწაული მიულოცა: "ძვირფასო თანამემამულენო, ჩვენ ერთად ბრწყინვალე, თავისუფალი, ერთიანი და ძლიერი საქართველო უნდა შევქმნათ. იმედი მაქვს, რომ ეს მთავრობა თქვენი მხარდაჭერის და სიბრძნის წყალობით შეიქმნება და განვითარდება".
იფტარის ცერემონიაზე ბოლნისის რაიონის აკაურტის საშუალო სკოლის დირექტორმა ნოფელ ალიევმა გამოსვლისას განაცხადა, "საქართველო ჩვენი სამშობლოა. ამ ლამაზ დღესასწაულში მონაწილე ქართველებს და ასევე აზერბაიჯანელებს დიდ მადლობას ვუხდით".
საქართველოს რეინტეგრაციის საკითხებში მინისტრმა პაატა ზაქარეიშვილმა რამაზანის თვეს ხელისუფლებისთვის ძალიან მნიშვნელოვანი თვე უწოდა: "იმიტომ რომ საქართველოს გარკვეული ნაწილი მუსულმანებისგან შედგება. რა თქმა უნდა, მათი დღესასწაული ჩვენი დღესასწაულიცაა".
ღონისძიებას საქართველოს პრემიერ-მინისტრის ეროვნულ საკითხებში ასისტენტი სავალან მირზაევი, ქვემო-ქართლის ადმინისტრაციული რეგიონის ტერიტორიის დმანისის, ბოლნისის, მარნეულის, გარდაბნის რაიონებიდან და თბილისიდან ჩამოსული აზერბაიჯანელები, პარლამენტის დეპუტატები, რაიონის ხელმძღვანელობა და საქართველოს მუსულმანთა დეპარტამენტის ხელმძღვანელები, მორწმუნეები, ახალგაზრდები ესწრებოდნენ.