საქართველოს პოლიციამ გუშინ საღამოს ორი ადამიანის სიკვდილში და ერთის დაშავებაში დამნაშავე 6 ადამიანი დააპატიმრა. ამის შესახებ ინფორმაცია საქართველოს შსს-ს პრესსამსახურმა გაავრცელა.
ინფორმაციის თანახმად, ამ პირებმა 25 ნოემბერს 19:00-ს საქართველო-სომხეთის სასაზღვრო გამშვებ პუნქტ "სადახლო"-ში მაკაროვის ტიპის პისტოლეტიდან ცეცხლი გახსნეს, საქართველოს 3 მოქალაქე დაჭრეს და გაიქცნენ.
მათგან ორი დაიღუპა.

მოსკოვში ეგორ შერბაკოვის მკვლელობის შემდეგ მიგრანტების წინააღმდეგ ჩატარებულმა ფართო სპექტრის ოპერაციებმა სკინჰედები კიდევ უფრო გაააქტიურა.
ახლა უკვე მოსკოვის ჩათვლით რუსეთის რამდენიმე ქალაქში სპეციალური ჯგუფები - "კავკასიური დაჯგუფება" შეიქმნა. ამ დაჯგუფებაში დაღესტნის და ჩრდილოეთ კავკასიის რესპუბლიკების მოქალაქე ახალგაზრდები შედიან.
ამ დაჯგუფების შექმნის მიზანი მიგრანტების მიმართ ძალადობის აღმოფხვრა, ასეთი მოქმედების განმხორციელებელი სკინჰედების დასჯაა.

დღეს ბაქოში გულერ ახმედოვას საქმეზე მორიგი სასამართლო პროცესი გაიმართა.
მოსამართლე ალისულთან ოსმანოვის ხელმძღვანელობით პროცესის დაწყებამდე გულერ ახმედოვას მდგომარეობა გაუარესდა, გული წაუვიდა. იგი სასამართლო დარბაზიდან დამკვირვებელთა დახმარებით გამოვიდა. შემდეგ სასამართლოში სასწრაფო გამოიძახეს.
მოსამართლეებმა გულერ ახმედოვას ჯანმრთელობის მდგომარეობის გაუარესების გამო პროცესი 25 ნოემბრისთვის გადადეს.