რუსეთის საგანგებო სიტუაციების სამინისტრომ სირიაში ქვეყნის დატოვების მსურველთათვის თვითმფრინავი გაგზავნა. ამის შესახებ რუსეთის ფედერაციის საგანგებო სიტუაციების სამინისტროს ოფიციალურმა წარმომადგენელმა ირინა როსიუსმა განაცხადა.

როსიუსმა აღნიშნა, რომ დღეს დილით "ილ-76" მარკის თვითმფრინავი ლატაკიაში გაფრინდა: "თვითმფრინავი სირიიდან ქვეყნის დატოვების მსურველი რუსეთის მოქალაქეებს და ასევე დსთ-ის ზოგიერთი ქვეყნის მოქალაქეებს წამოიყვანს".

თვითმფრინავში ასევე მგზავრთა დასახმარებლად საგანგებო სიტუაციების სამინისტროს ოპერატიული ჯგუფი და ფსიქოლოგები იქნებიან.