"საქართველო ევროპის ენერგეტიკული უსაფრთხოების უზრუნველყოფაში მნიშვნელოვან როლს თამაშობს".
ეს საქართველოს საგარეო საქმეთა მინისტრმა მაია ფანჯიკიძემ ნიუ-იორკში ჩატარებულ კასპიის ფორუმზე გამოსვლისას განაცხადა. მან აღნიშნა, რომ საქართველომ ბაქო-თბილისი-ჯეიჰანის და ბაქო-თბილისი-ერზრუმის პროექტებზე ვალდებულებების წარმატებით შესრულებით დაამტკიცა, რომ იგი სანდო სატრანზიტო პარტნიორია.
მინისტრმა აღნიშნა, რომ საქართველო მზადაა, ამის შემდეგაც მიიღოს მონაწილეობა ევროპაში ენერგეტიკული ტრანსპორტის დივერსიფიკაციის უზრუნველყოფისთვის ალტერნატიულ ენერგეტიკულ პროექტებში:
"პროექტი სამხრეთის დერეფანი კავკასიის რეგიონს ევროკავშირთან უფრო დააახლოებს. დარწმუნებული ვარ, რომ თურქმენეთსა და ყაზახეთში ჩვენი პარტნიორებიც ამ პროცესს ჩაერთვებიან და სამხრეთ დერეფნის სტაბილურობას და მდგრადობას გააძლიერებენ".