იტალიელი მომღერლის როზარიო სელამის სხეული, რომლის დისკებიც მილიონობით ტირაჟით იყიდებოდა, მოლდოვას დედაქალაქ კიშინიოვში ერთ-ერთ პარკში დაკიდებული იპოვეს. პოლიციის ინფორმაციით, სხეული პარკთან გამვლელმა პირმა შეამჩნია.
პირველადი დათვალიერების დროს ცხედარზე არანაირი ძალადობის კვალი არ შემჩნეულა. ამიტომაც თვითმკვლელობის შემთხვევას ვარაუდობენ.
სელამი კიშინიოვში 1997 წლიდან ცხოვრობდა. 2011 წელს მან მოლდოვას მოქალაქეობა მიიღო. 2012 წელს გაკოტრებულმა მომღერალმა ბანკებიდან აღებული დიდი რაოდენობის სესხების დაბრუნება ვერ შეძლო.
აღსანიშნავია, რომ ის მუსიკის სამყაროში სარო სალემის სახელით იყო ცნობილი და მისი კასეტები და დისკები მილიონობით იყიდებოდა.