ირანის პრეზიდენტის ჰასან რუჰანის გაეროს გენერალურ ასამბლეაზე მონაწილეობის დროს ამერიკის პრეზიდენტ ბარაკ ობამასთან სატელეფონო საუბარი ქვეყანაში ცალსახად არ მიიღეს. თეირანის აეროპორტში რუჰანის ოპონენტები და მომხრეები შეიკრიბნენ და მის წინააღმდეგ და სასარგებლოდ ლოზუნგებს ახმოვანებდნენ. პრეზიდენტის ერთ-ერთმა ოპონენტმა რუჰანის ფეხსაცმელი ესროლა. აქციაზე 100-მდე ოპონენტი მონაწილეობდა. მათ რუჰანის კორტეჟის გასავლელ გზაზე ლოცვა დაიწყეს და პრეზიდენტის კორტეჟის მოძრაობის შეჩერება სცადეს. ამიტომ პრეზიდენტის მოძრაობა შეფერხდა. ოპონენტების წინ რუჰანის მხარდამჭერები შეიკრიბნენ და პრეზიდენტს მხარი დაუჭირეს.