აუქციონის სახლი "Sotheby's" მსოფლიოს ერთ-ერთი ყველაზე ძვირადღირებული ბრილიანტის აუქციონზე გატანას აპირებს. საუბარია ამჟამად ჰონგ-კონგში წარდგენილ ვარდისფერ ბრილიანტზე "Pink Star". ძვირფასი ქვის წონა 59.6 კარატია და ეს აქამდე აუქციონზე გატანილი ყველაზე ძვირადღირებული ბრილიანტი იქნება.
ექსპერტები ამ ძვირფას ქვას დაახლოებით 60 მილიონ დოლარად აფასებენ.
აუქციონი ჟენევაში 13 ნოემბერს ჩატარდება.
"ვარდისფერი ვარსკვლავი" თავისი წონით 2010 წელს "Sotheby's"-ის აუქციონზე გაყიდულ ბრილიანტ "Graff Pink"-ზე 2-ჯერ დიდია. ის ბრილიანტი 45.6 მილიონ დოლარად გაიყიდა.