Yaponiya Şərqi Çin dənizində yerləşən Yenaquni adasına qoşun göndərəcək.

Dalgatv-nin APA-ya istinadən verdiyi xəbərə görə, bunu Yaponiyanın müdafiə naziri İtsunori Onodera bəyan edib.

Onun sözlərinə görə, Yaponiya özünümüdafiə qüvvələrinin 100-dək hərbi qulluqçusu və xüsusi radar sistemi adada yerləşdiriləcək.

Qeyd edək ki, Yenaquni adası Yaponiya və Çin arasında mübahisəli Senkaku (çinlilər Dyaoyuydao adlandırır) arxipelaqından 150 km aralıqda yerləşir.