Türkiyədə jurnalist Həsən Qaraqayanın dəfn mərasimi keçirilib.

"Dalğa TV" Türkiyə mətbuatına istinadən xəbər verir ki, yazarın cənazə namazında Türkiyə prezidenti Rəcəb Tayyib Ərdoğan, baş nazir Əhməd Davudoğlu və bir çox hökumət rəsmiləri də iştirak edib. R.T.Ərdoğan Həsən Qaraqayanın məzarı başında mərhumun ruhuna ithaf olaraq mikrofonla "Əl-Bəqərə" surəsindən bir neçə ayə oxuyub.
Səudiyyə Ərəbistanında ürək tutmasından vəfat edən Həsən Qaraqaya Türkiyə "İstiqlal marşının müəllifi Məhmət Akif Ərsoyun məzarının yanında dəfn edilib.