İki dövlət başçısı Soçidə görüşüblər.

Rusiya prezidenti Vladimir Putin Bəhreyn kralı Şeyx Həməd bin İsa Əl Xəlifəyə Hacıbəy adlı ahaltəkə cinsindən olan at bağışlayıb, "Dalğa TV" İnterfax-a istinadən xəbər verir.

Kral bu hədiyyənin qarşılığında xüsusi olaraq Rusiya lideri üçün hazırlanmış qılınc hədiyyə edib.

Məlumata görə, qılıncın dəstəyi və qını qiymətli metaldan, özü isə dəməşq poladından hazırlanıb.

Putin qonaqdan hədiyyəni aldıqdan sonra, rus ənənələrinə uyğun olaraq (mübahisə olmasın deyə) krala sikkə verib.

Qeyd edək ki, iki dövlətin başçısı fevralın 8-də Soçidə görüşüblər. Əl-Xəlifə Rusiyada iş səfərindədir.