Türkiyənin Van şəhərində dəhşətli hadisə yaşanıb.

Oxu.Az bizimyol-a istinadən xəbər verir ki, 38 günlük körpə təcavüzə məruz qalıb.

Dəhşətli hadisədən sonra körpə xəstəxanada ölüb. Xəbərin yayılmasından sonra “Twitter” istifadəçiləri #VanPedofili etiketi altında kəskin etirazlara başlayıblar.

Məsələ ilə bağlı polis körpənin anasını və onunla birlikdə xəstəxanaya gələn digər iki şəxsi həbs edib. Məhkəmənin qərarı ilə həmin şəxslər həbsxanaya göndərilib.

Van valisinin dediyinə görə, 26 yanvar tarixində xəstəxanaya körpə gətirilib. Müayinə zamanı körpənin kəlləsində qırıq və cinsi istismara məruz qaldığı müəyyən edilib.

Qeyd edək ki, Türkiyədə hər 4 saatdan bir 1 uşaq cinsi istismara məruz qalır. Türkiyə uşaqların cinsi istismara məruz qalmasına görə dünyada 3-cü sırada yer alır.