Şimali Koreyanın BMT yanında daimi nümayəndəsi Kin İn Ren bəyan edib ki, ABŞ-ın Koreya yarımadasındakı əməliyyatları nəticəsində nüvə müharibəsi istənilən an başlaya bilər. 

 Dalga tv Oxu.az-a istinadın xəbər verir ki, bu barədə o, mətbuat konfransının gedişatında bildirib. 

Diplomat ABŞ-ı regionda təhlükəli vəziyyət yaradan addımlardan çəkinməyə çağırıb. 

“Pxenyan öz tərəfindən Vaşinqtonun istənilən aqressiv addımlarına qarşı cavab addımı atmağa hazırdır”, - Şimali Koreyanın rəsmisi bəyan edib. 

Onun sözlərinə görə, Şimali Koreyaya sanksiyaların tətbiqi ölkənin müstəqilliyinin pozulmasıdır. O qeyd edib ki, BMT-nin Təhlükəsizlik Şurası ABŞ adından hərəkət edir.