ეგვიპტეში ბოლო პერიოდში განვითარებული მოვლენების შემდეგ თურქეთის ამ ქვეყანასთან შექმნილი დაძაბულობის ფონზე ანკარაში მოწვეული ელჩი ჰუსეინ ავნი ბოტსალი უკან დაბრუნდება.
თურქეთის მედიის ინფორმაციით, ჰუსეინ ავნი ბოტსალის კაიროში დაბრუნება დღეს საღამოს იგეგმება.
აღსანიშნავია, რომ კონსულტაციების ჩასატარებლად 15 აგვისტოს ანკარაში მოწვეულმა ელჩმა ეგვიპტეში განვითარებული მოვლენების შესახებ ხელისუფლებას აცნობა.
დიპლომატიურმა წყაროებმა დაადასტურეს, რომ ელჩი უკვე დაბრუნებას აპირებს.
შეგახსენებს, რომ თურქეთის ელჩის უკან მოწვევის შემდეგ ეგვიპტემაც კაიროში დაიბარა თავისი ელჩი თურქეთში აბდურაჰმან სალაჰადინი.