"სირიას ახლაც ვაწვდით იარაღს, ეკონომიკურ სფეროში ვთანამშრომლობთ".

"რუსეთი, როგორც ახლა, იარაღის მიწოდებით და ეკონომიკურ სფეროში თანამშრომლობით სირიასთან თანამშრომლობას ამის შემდეგაც გააგრძელებს". ეს სიტყვები რუსეთის პრეზიდენტმა ვლადიმერ პუტინმა G20-ის სამიტის დასრულებასთან დაკავშირებით პრესკონფერენციაზე განაცხადა. ვ. პუტინმა კითხვაზე "თუ სირიაში სამხედრო ინტერვენცია მოხდა, დაეხმარება თუ არა რუსეთი ამ ქვეყანას" ასე იპასუხა: "კი, დავეხმარებით. ახლაც ვეხმარებით. სირიას იარაღს ვაწვდით, ეკონომიკურ სფეროში ვთანამშრომლობთ. იმედი მაქვს, ჰუმანიტარულ სფეროში თანამშრომლობა უფრო მჭიდრო იქნება, მათ შორის, ამჟამად მძიმე მდგომარეობაში მოსახლეობისთვის ჰუმანიტარულ დახმარებას გავუწევთ".