"დიდი 20-ლის" სამიტზე მონაწილე აშშ-ის პრეზიდენტმა ბარაკ ობამამ პენტაგონს სირიაზე იერიშის მიზნების გაფართოების შესახებ მოთხოვნა გაუგზავნა. გაზეთ ნიუ-იორკ თაიმსის ინფორმაციით, ამერიკის დაზვერვის განსაზღვრული 50 მიზნის რაოდენობა გაიზრდება.

ობამას ადმინისტრაციამ პირველად ამერიკის და საფრანგეთის თვითმფრინავების სირიაზე იერიშის შესახებ განაცხადა. აქამდე სირიაში მხოლოდ ხმელთაშუა ზღვაზე მდებარე სამხედრო გემების იერიში იყო შეთავაზებული. აღინიშნება, რომ ძირითადი მიზნები სირიის საავიაციო დაცვის სისტემების, გუნდის შტაბის და იარაღის ანბარები იქნება.

თეთრი სახლის ინფორმაციით, ბარაკ ობამას სირიაში შესაძლო სამხედრო ოპერაციებთან დაკავშირებით ამერიკის ხალხს მიმართვა მომზადდა. საზოგადოებრივი ორგანიზაციების ჩატარებული გამოკითხვა კი აჩვენებს, რომ ამერიკის მოსახლეობის ძირითადი ნაწილი სამხედრო ოპერაციების წინააღმდეგია. გამოკითხული ამერიკელების 48% სირიაში სარაკეტო იერიშს მხარს არ უჭერენ. 74% რესპოდენტის აზრით, სამხედრო ოპერაციები ამერიკასა და მისი პარტნიორებისთვის რეგიონში ნეგატიური დამოკიდებულების მიზეზი გახდება.