“Şahdəniz” qaz yatağı ilə bağlı ikinci fazanın başlanmasından qürur duyuram”.

APA-nın məlumatına görə, bunu bu gün “Əsrin müqaviləsi”nin 20 illiyi və Cənub Qaz Dəhlizinin təməlqoyma mərasimində Gürcüstanın baş naziri İrakli Qaribaşvili söyləyib.

O bildirib ki, Azərbaycan Gürcüstanın ən yaxın dost və tərəfdaşlarından biridir: “Biz Bakı-Tbilisi-Ceyhan neft, Bakı-Tbilisi-Ərzurum qaz kəməri kimi layihələri həyata keçirmişik. TANAP layihəsi həyata keçiriləcək, Avropanın enerji xəritəsi dəyişəcək, Qara dəniz və Xəzər dənizi hövzəsindəki dövlətlər üçün yeni imkanlar açılacaq, əlavə iş imkanları yaranacaq, yoxsulluğun səviyyəsi azalacaq. Biz Qazaxıstan və Türkmənistanın ehtiyatlarının ixracı üçün Transxəzər qaz kəməri layihəsini dəstəkləyirik”.

İ.Qaribaşvili deyib ki, bu layihələr davamlı inkişafı təmin edəcək: “Bakı-Tbilisi-Qars dəmir yolu regional inkişafda böyük rol oynayacaq. Biz bununla qlobal bazarlara inteqrasiya edirik. Qonşu ölkələrlə azad ticarət böyük töhfə olacaq. Avropa Birliyi ilə azad ticarəti digər dövlətlərə də şamil etmək istərdik. Biz əlimizdən gələni edəcəyik kt, regionda və qlobal səviyyədə Gürcüstan etibarlı tərəfdaş olsun”.

Sentyabrın 9-da Gürcüstanda Dəmiryol Administrasiyasının Nəqliyyat Şurası Komissiyasının 58-ci iclası başlayıb.

APA-nın Gürcüstan bürosunun məlumatına görə, üç gün davam edəcək tədbirdə 15 ölkədən 100 nümayəndə iştirak edir.

Tədbirdə ölkəmizi “Azərbaycan Dəmir Yolları” QSC-nin yük daşımaları departamentinin vaqon şöbəsinin rəis müavini Daxil Şirəliyev, vaqonların təhlükəsiz hərəkəti üzrə texniki müfəttiş Əlövsət Nəcəfov təmsil edir.

Tədbirdə Rusiya, Ukrayna, Azərbaycan, Belarus, Qazaxıstan, Moldova, Tacikistan, Gürcüstan, Qırğızıstan, Özbəkistan, Latviya, Litva və Estoniyadan gələn dəmiryol rəhbərləri və digər mütəxəssislər  iştirak edir.

Yığıncaqda iştirakçı olan ölkələrin dəmiryol mütəxəssislərinin Cənubi Qafqaz və ümumiyyətlə, keçmiş MDB ölkələrində vaqonların vəziyyəti və yükgötürmə qabiliyyəti, keyfiyyəti, standartlara uyğun olması və gələcəkdə vaqon təsərrüfatının inkişaf etdirilməsi istiqamətində fikir, rəy və təklifləri dinlənilib.

Gürcüstan Dəmiryolu İdarəsindən APA-ya verilən məlumata görə, dəmiryolu nəqliyyatı məsələləri ilə bağlı Dəmiryol Administrasiyasının Nəqliyyat Şurası Komissiyasının 58-ci iclasında səsləndirilən bütün təklif və rəylər, vaqonlar barədə müəyyənləşdirilən bütün detallar min səhifədən ibarət sənəddə cəmləşəcək və bu sənəd dəmiryol mütəxəssislərinin 59-cu görüşündə öz təsdiqini tapacaq.