Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1072
	Dünən	3609
	Bu həftə	8510
	Bu ay	99669
	Bu günə qədər	9761034

Bizi Paylaşın

Video Xəbərlər

Təqvim

Dalga TeleviziyasA�

ABŞ-ın Gürcüstandakı səfirliyi Marneulidə azərbaycanlıların vəziyyəti ilə maraqlanıb

13.03.17 16:14 |

ABŞ-ın Gürcüstandakı səfirliyinin əməkdaşları azərbaycanlıların yığcam yaşadıqları Marneuli rayonunda olub, bölgədəki vəziyyət, insanların həyat şəraiti ilə maraqlanıblar.

Marneuli Bələdiyyəsinin başçısı Merab Topçişvili səfirliyin əməkdaşlarına ətraflı məlumat verib. Bildirib ki, bu gün rayonda 128 min 100 nəfər yaşayır. Onların 86,4 faizini azərbaycanlılar təşkil edirlər.

Azərbaycanlılar Gürcüstan dövlətinin möhkəmlənməsində, müstəqilliyinin qorunmasında, iqtisadi inkişafında mühüm rol oynayırlar. Rayon gənclərinin sosial problemlərinin həlli, onlar üçün məşğulluq və əyləncə mərkəzlərinin yaradılması istiqamətində görülən işlər də diqqət mərkəzində olub.

Merab Topçişvili azərbaycanlıların mədəniyyəti, adət-ənənələri barədə qonaqlara ətraflı məlumat verib, Novruz bayramının mahiyyətindən danışıb. Bu bayramın baharın gəlişi ilə yanaşı, insanlar arasında birlik, bərabərlik bayramı olduğu xüsusi qeyd olunub.

Səfirliyin əməkdaşları martın 21-də Marneulidə keçiriləcək Novruz şənliyinə dəvət olunublar.

Qonaqlara bayram hədiyyələri təqdim olunub.

Ukrayna baş prokuroru: "Saakaşvili Gürcüstana təhvil verilməyəcək" - YENİLƏNİB

18.11.16 21:19 |

Ukraynanın baş prokuroru Yuri Lutsenko Odessa vilayətinin sabiq qubernatoru Mixail Saakaşvilinin Gürcüstana təhvil veriləcəyi barədə xəbərləri təkzib edib.

APA-nın "112.ua" saytına istinadən verdiyi xəbərə görə, Y. Lutsenko bu xəbərlərin doğru olmadığını bildirib: "Ukrayna öz vətəndaşlarını başqa ölkələrə təhvil vermir. Nöqtə!"

Xatırladaq ki, M. Saakaşvili Odessa qubernatorluğundan istefa verdikdən sonra müxalifətə keçib və siyasi təşkilat yaradaraq Ukraynada hakimiyyət uğrunda mübarizəyə başlayacağını açıqlayıb. Bundan sonra Ukrayna hökumətinin onu Gürcüstana təhvil verəcəyi ilə bağlı xəbərlər yayılıb. Gürcüstanda M. Saakaşvili haqqında cinayət işi var.

***

Saat 17:06

Rəsmi Kiyev Gürcüstanın keçmiş prezidenti, Odessa şəhərinin sabiq meri Mixail Saakaşvilini Gürcüstana verilə bilər.

APA-nın məlumatına görə, bu barədə “Ukrainskaya Pravda” Ukrayna Prezidenti Administrasiyasındakı mənbəyə istinadən yazıb. Məlumata görə, ölkə rəhbərliyi qanunu şəkildə onu vətəndaşlıqdan məhrum edə bilməyəcəyi üçün bu yola əl atmağı düşünür.

Başqa bir mənbə isə bildirib ki, M. Saakaşvili və P. Poroşenko arasında Gürcüstandakı parlament seçkilərinə kimi münasibətləri pozmamağa dair gizli razılaşma olub.

Daha əvvəl Mixail Saakaşvili də Pyotr Poroşenkonun onu Ukrayna vətəndaşlığından məhrum etmək istəyi barədə məlumat vermişdi.

Bakı-Qazax yolunda iki avtomobil toqquşub, ana və qızı xəsarət alıb

13.03.17 16:04 |

Bakı-Qazax magistral yolunda iki nəfərin xəsarət alması ilə nəticələnən yol-nəqliyyat hadisəsi baş verib. APA-nın qərb bürosunun verdiyi məlumata görə, hadisə yolun Tovuz rayonu ərazisindən keçən hissəsində qeydə alınıb. İki avtomobilin toqquşması nəticəsində Gəncə şəhər sakini, 1955-ci il təvəllüdlü Kifayət Məmmədova və onun qızı 1992-ci il təvəllüdlü Aytən Məmmədova müxtəlif bədən xəsarətləri alaraq Tovuz Mərkəzi Rayon Xəstəxanasına yerləşdirilib. Vəziyyətlərinin normal olduğu bildirilir.

Faktla bağlı Baş Dövlət Yol Polisi İdarəsində araşdırma aparılır.

Gürcüstanda "Qurani-Kərim" ilk dəfə Azərbaycan dilinə tərcümə olunub

26.12.15 20:35 |

Tbilisidə "Qurani-Kərim"in Azərbaycan dilinə tərcümə olunmuş versiyasının təqdimatı keçirilib.

APA-nın Gürcüstan bürosu xəbər verir ki, tədbir “Qurani-Kərim”dən ayənin oxunması ilə başlayıb.

Gürcüstan Müsəlmanları İdarəsinin sədri hacı Ramin İgidov "Qurani-Kərim"in bu ölkədə ilk dəfədir ki, Azərbaycan dilinə tərcümə edildiyini deyib. O, din xadimlərinin Quranın Azərbaycan dilinə tərcümə olunaraq yayılmasını təşkil etdiklərini diqqətə çatdırıb.

Gürcüstanın Dini Məsələlər üzrə Dövlət Agentliyinin sədri vəzifəsini icra edən Zaza Vaşaqmadze, Baş nazirin milli məsələlər üzrə müşaviri Savalan Mirzəyev, Qərbi Gürcüstan Müsəlmanlarının müftisi Beqlar Kamaşidze və başqaları çıxış edərək İslam dininin məziyyətlərindən, Gürcüstanda dini tolerantlıqdan danışıb, "Qurani-Kərim"in Azərbaycan dilinə tərcümə olunmasını və pulsuz paylanmasını yüksək qiymətləndiriblər.

Tədbirdə Gürcüstanın dövlət və hökumət rəsmiləri, diplomatik korpusun nümayəndələri, elm, ictimaiyyət və din xadimləri iştirak ediblər.

Gürcüstan parlamentinə yeni sədr seçilib

18.11.16 21:11 |

Gürcüstan parlamentinin yeni sədri bəlli olub.

APA-nın Gürcüstan bürosunun xəbərinə görə, qanunverici orqanın bu gün keçirilən ilk iclasında parlament çoxluğu sədr vəzifəsinə İrakli Kobaxidzenin namizədliyini irəli sürüb. Keçirilən səsvermədə 118 səs alan İ. Kobaxidze parlamentin sədri seçilib.

Yeni sədr çıxışında bildirib ki, fəaliyyəti zamanı neytral olacaq: “Mən parlament sədrliyinin nə demək olduğunu və onun funksiyalarını çox yaxşı bilirəm. Əsas funksiyam ondan ibarət olacaq ki, hər partiya, hər deputat parlamentin işinə və ölkənin gələcəyinə töhfə vermək üçün maksimal imkan əldə etsin. Mən konstruktiv işi təmin etmək üçün hər şeyi edəcəyəm”.

Qeyd edək ki, İ. Kobaxidze “Gürcü Arzusu – Demokratik Gürcüstan” Partiyasının icraçı katibi idi. 1978-ci il təvəllüdlü yeni sədr Almaniyanın Düsseldorf Universitetində hüquq təhsili alıb. Son vaxtlara qədər Cavaxişvili adına Tiflis Dövlət Universitetində çalışıb. Hüquq professorudur.

Parlamentin ilk iclasında fraksiyalar da formalaşdırılıb. Hakim “Gürcü Arzusu” və müxalifətdəki Vahid Milli Hərəkat hərəyə 2 fraksiya yaradıblar. 5-ci fraksiyanı isə 6 deputatı olan “Vətənpərvərlər İttifaqı” formalaşdırıb.

Başqa məqalələr...