Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2408
	Dünən	3656
	Bu həftə	20788
	Bu ay	6064
	Bu günə qədər	9773312

Bizi Paylaşın

Video Xəbərlər

Təqvim

Dalga TeleviziyasA�

3 yaşında 48 kiloluq uşaq (FOTO)

18.04.15 15:20 |

alt Hindistanda bir ata uşaqlarını müalicə etdirə bilmək üçün böyrəklərini satacaq.

ANS PRESS-in məlumatına görə, bir ailənin 3 uşağı güclü piylənmədən əziyyət çəkirlər. Bütün gün yemək yeyən uşaqlar normal hərəkət edə bilmirlər. 5 yaşlı Yoqitanın çəkisi 34, 3 yaşlı Anişa 48, 18 aylıq Xarş isə 15 kiloqramdır. Ailənin başçısı Rameşbai Nandvana övladlarının daim aclıqdan şikayət etdiklərini deyib. Onlar bir həftə ərzində iki normal ailənin bir ay ərzində yediyi qədər yemək yeyirlər.

Balacaların valideynləri də övladlarında bu xəstəliyin olmasına təəccüblənirlər. Çünki onların ailəsində heç kim artıq çəkidən əziyyət çəkməyib. Hətta onların 6 yaşlı qızlarının çəkisi də 16 kiloqramdır. Nandvanın fikrincə, uşaqların bu bəlaya düçar olmasının səbəbi onların doğulduğu ilk ildə düzgün qidalanmamasıdır. O, övladlarını müalicə etmək üçün maddi imkanının olmadığını, buna görə də böyrəklərini satacağını deyib.

ABŞ-ın Qarabağ bəyanatı

18.04.15 15:14 |

alt ATƏT-in Minsk qrupunun həmsədri olaraq Birləşmiş Ştatlar əvvəlki kimi Dağlıq Qarabağ münaqişəsinin möhkəm və dinc nizamlanmasının axtarışı üçün tərəflərlə əməkdaşlığı davam etdirmək niyyətindədir.

ANS PRESS-in məlumatına görə, bu barədə ABŞ-ın ATƏT-dəki səfiri Deniel Beyer Vyanada Daimi Şuranın iclasında bildirib.

Deniel Beyer Azərbaycan və Ermənistan prezidentlərinin Paris sammitində çıxışlarını da alqışlayıb. Onun sözlərinə görə, tərəflər Beynəlxalq Qırmızı Xaç Komitəsinin himayəsi altında Dağlıq Qarabağ münaqişəsində itkin düşənlər barədə məlumat mübadiləsinə sadiqliklərini sübut ediblər.

“Biz ümid edirik ki, prezident bu il dialoqu davam etdirmək üzrə öz öhdəliklərini yerinə yetirəcəklər və ümumi sülh sazişinə gətirəcək rəsmi danışıqlar prosesinin başlamasının vacibliyini qeyd edəcəklər”, - deyə Beyer vurğulayıb.

Gürcüstan parlamentində azərbaycanlı deputatlar "erməni soyqırımının" gündəmə gətirilməsinə etiraz ediblər

16.04.15 22:24 |

alt Bu gün Gürcüstan parlamentinin "Gürcü Arzusu"ndan olan azərbaycanlı deputatı Mahir Dərziyev və Vahid Milli Hərəkat partiyasının üzvü olan Azər Süleymanov parlamentin iclasında öz etirazlarını bildiriblər.

APA-nın Gürcüstan bürosunun məlumatına görə, onlar deputat Samvel Petrosyanın “erməni soyqırımı”na görə bir dəqiqəlik sükut elan etməsinə qarşı çıxıblar.

M. Dərziyev APA-ya açıqlamasında məsələ ilə bağlı çıxış etdiklərini bildirib: "Erməni soyqırımı”nın tanınması məsələsi dəfələrdə Gürcüstan parlamentində qaldırılıb, lakin həm iqtidar, həm də müxalifət tərəfindən birmənalı şəkildə rədd olunub. Bu gün də oxşar mənzərə olub. İqtidar tərəfdən olan deputat Qubad Sanikidze, habelə müxalifətçi deputat Nuqzar Tsiklauri bu məsələni yenidən qaldırmağın düzgün olmadığını qeyd ediblər. Onlar vurğulayıblar ki, Gürcüstan milliyyətindən asılı olmayaraq bu ölkədə yaşayan vətəndaşların vətənidir və onların arasında milli ədavət salmaq cəhdləri uğursuzluğa düçar olacaq".

M. Dərziyev qeyd edib ki, ermənilər konkret faktlara və sənədlərə əsaslanmırlar: “Erməni soyqırımı” ilə bağlı ermənilər heç bir araşdırma aparmayıblar. Türkiyə tərəfi öz itkilərinin ermənilərdən də çox olduğunu dəfələrlə bildirib. Gürcüstan tərəfindən “soyqırımı”nın tanınması, Gürcüstanın qonşusu olan və NATO-nun üzvü olan Türkiyə ilə münasibətlərə xələl gətirə bilər və böhran yarana bilər. Mən həmçinin Gürcüstan parlamentinin üzvlərini ölkənin maraq və ziyanına olan bu cür cəfəngiyatları gündəmə gətirməməyə çağırdım”.

İstanbulda Ərdoğanı öldürməyə cəhd göstərən şəxsə hökm oxunub

18.04.15 15:09 |

alt İstanbul məhkəməsində ötən ilin mayında Rəcəb Tayyib Ərdoğana qarşı sui-qəsd törətməkdə günahlandırılan şəxsə hökm oxunub.

APA-nın “Doğan” agentliyinə istinadən verdiyi məlumata görə, məhkəmənin qərarı ilə Ferhat Yıldız 11 il, 8 ay müddətinə azadlıqdan məhrum edilib.

F.Yıldız hakim Ədalət və İnkişaf Partiyasının təşkil etdiyi nümayiş zamanı Ərdoğana əldəqayırma tapançadan atəş açmağa cəhd etmişdi.

Qeyd edək ki, prokurorluq F.Yıldıza 20 il cəza istəmişdi.

Gürcüstanda "Ana dili" Günü bayramı ilə bağlı tədbirlər keçirilib

15.04.15 10:06 |

alt Bu gün Gürcüstanda "Ana dili" Günü bayramı qeyd olunub. APA-nın Gürcüstan bürosunun məlumatına görə, Gürcüstanın baş naziri İrakli Qaribaşvili "Ana dili" Günü münasibəti ilə çıxışında 1978-ci il aprelin 14-də Gürcüstanda gürcü dilinin rəsmi olaraq dövlət dili elan edildiyini bildirib. O, müasir şəraitdə dövlət dilinə qarşı heç bir təhlükə olmadığını qeyd edib: "Biz bu dilin toxunulmazlığını qorumalı və onu gələcək nəsillərə ötürməliyik", deyə baş nazir bildirib.

Tiflisdəki "Liqamus" Kitab Evində təşkil olunan bayram tədbirini Barışıq və Vətəndaş Bərabərliyi məsələləri üzrə dövlət naziri Paata Zakareişvili açıb: "Mən çox şadam ki, Gürcüstan əhalisi dövlət dilini indiyədək qoruyub saxlayıb və bu gün dövlət dilimiz gürcü dilidir. Mən şadam ki, bu gün ölkəmizdə yaşayan müxtəlif millətlərin nümayəndələri ilə gürcü dilində danışırıq. Ölkəmizdə yaşayan etnik azlıqlar gürcü dilini mükəmməl bilir və dövlət dilini bilməklə qürur duyurlar. Dövlətimiz bu gün Gürcüstanda yaşayan millətlərin dilinə böyük hörmətlə yanaşır və bu dilləri qoruyur", deyə dövlət naziri qeyd edib.

Tədbirdə Gürcüstanda yaşayan 10-a yaxın millətin nümayəndələri iştirak edib. "Ana dili" Günü bayramında etnik azlıq nümayəndələri də iştirak edərək gürcü şairlərinin şerlərini gürcü dilində söyləyiblər. Marneulidən və Kaxeti bölgəsindən olan azərbaycanlı gənclər dövlət dilinin vacib olduğunu bildiriblər. Dövlət naziri Paata Zakareişvili tədbir iştirakçılarına hədiyyələr verib.

Tədbir "BMT Assosiasiyası" və Barışıq və Vətəndaş Bərabərliyi məsələləri üzrə dövlət nazirliyi ilə birgə təşkil edilib.

Təşkilatçılardan biri olan barışıq və vətəndaş bərabərliyi məsələləri üzrə dövlət nazirinin müşaviri Zaur Darğallı APA-ya açıqlamasında etnik azlıqlar tərəfindən dövlət dilinə marağın artdığını bildirib: "Gürcüstanda belə tədbirlərdə müxtəlif millətlərin çıxışı o deməkdir ki, ölkədə dövlət dilinə maraq artıb. Biz bunun üçün əlimizdən gələni edirik. Bu dildə artıq yüzlərlə azərbaycanlı gənc danışır və Gürcüstanın dövlət universitetlərində təhsil alırlar. İnanırıq ki, gələcəkdə dövlət və hökumət strukturlarında çalışan azərbaycanlı kadrların sayı artacaq", deyə Z. Darğallı qeyd edib.

Başqa məqalələr...