Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1166
	Dünən	3713
	Bu həftə	15890
	Bu ay	1166
	Bu günə qədər	9768414

Bizi Paylaşın

Video Xəbərlər

Təqvim

Dalga TeleviziyasA�

Azərbaycanda evlənmək istəyənlərin nəzərinə!

09.03.15 17:00 |

alt

İyunun 1-dən ailə qurmaq istəyən şəxslərin tibbi müayinədən keçməsi məcburi olacaq.
ANS TV – nin verdiyi məlumata görə, Azərbaycanda nikaha girən şəxslərin tibbi arayış təqdim etməsi məcburi olacaq. Milli Məclisin sosial siyasət komitəsinin sədri Hadı Rəcəblinin sözlərinə görə, 3 aydan sonra tibbi arayış təqdim etməyən cütlüklər nigaha daxil ola bilməyəcəklər.

Hadı Rəcəblinin sözlərinə görə, yeni evlənənlərin tibbi müayinədən keçməsi pulsuz həyata keçiriləcək. Həkimlər qəbul edilmiş bu qərarın vaxtında verildiyini və bunun sayəsində gənclərdə nigahdan qabaq yaranmış olan bir çox infeksion xəstəliklərin qarşısının alınmasında böyük rol oynayacağını deyir.

Həkim Gülnarə Sultanqızının sözlərinə görə, Ailə Məcəlləsinə edilən dəyişikliyə əsasən evlənmək istəyənlər tibbi müayinədən keçdiklərini təsdiqləyən arayışı müvafiq quruma təqdim etdikdən 1 ay sonra nikah bağlaya bilərlər.

Qeyd edək ki, nikahın bağlanması üçün nikaha daxil olan şəxslərin yazılı razılığı, tibbi müayinədən keçdiklərini təsdiq edən arayışın təqdim edilməsi və onların nikah yaşına çatmaları zəruridir.

Azərbaycanda yeni telekanal açılır

08.03.15 19:31 |

alt

Bu il aprelin əvvəlində Azərbaycanda "Azerbaijan Music Channel" (AMC) adlı ilk musiqi telekanalı yayıma başlayacaq. Bunu Trend-ə ölkənin telekommunikasiya bazarındakı mənbə deyib.

Onun sözlərinə görə, telekanalın yayımı "Azerspace-1" peykinin köməyi ilə açıq rejimdə həyata keçiriləcək. Hazırda yeni telekanalın anonsunu edən infokart test rejimində əlçatandır.

Yeni telekanal Azərbaycan, Rusiya, Türkiyə və Qərb ifaçılarının videokliplərini yayımlayacaq.

Televiziya kontentinə baxmaq üçün peyk antenlərini aşağıdakı şəkildə tənzimləmək lazımdır: tezlik - 11135 MHz, sürət - 27500, polyarizasiya - Horizontal, FEC - 5/6

Mübariz Qurbanlı Gürcüstan səfiri ilə görüşüb

06.03.15 19:35 |

alt Azərbaycanın Dini Qurumlarla İş üzrə Dövlət Komitəsinin sədri Mübariz Qurbanlı Gürcüstanın Azərbaycandakı səfiri Teymuraz Şaraşenidzeni qəbul edib.

Komitədən APA-ya verilən məlumata görə, görüş zamanı Azərbaycanla Gürcüstan arasında din sahəsində münasibətlərin bundan sonra da uğurla inkişaf etməsinin vacibliyi vurğulanıb.

Görüşün sonunda səfir səmimi qəbula görə Dövlət Komitəsinin sədrinə təşəkkürünü bildirib.

Azərbaycan və Ermənistan gəncləri görüşəcək

24.04.14 20:18 |

alt

Vyanada Azərbaycan və Ermənistan gənclərinin görüşü keçiriləcək.

APA-nın verdiyi məlumata görə, bu gün Azərbaycan tərəfdən görüşdə iştirak edəcək bir qrup gənc Helsinki Vətəndaş Assambleyasının Azərbaycan Milli Komitəsinin xətti ilə Vyanaya yolu düşüb.

Helsinki Vətəndaş Assambleyasının Azərbaycan Milli Komitəsinin rəhbəri Arzu Abdullayeva APA-ya açıqlamasında məlumatı təsdiqləyib.

O görüşü Brüsseldə fəaliyyət göstərən və Helsinki Vətəndaş Assambleyasının Azərbaycan Milli Komitəsinin tərəfdaşı olan bir təşkilat tərəfindən təşkil olunduğunu bildirib. Ancaq o, görüşü təşkil edən partnyor təşkilatın adını və iki ölkənin gəncləri arasında keçiriləcək görüşün məqsədini açıqlamayıb.

A. Abdullyayeva bunu bu gün Azərbaycanda Azərbaycan və Ermənistan vətəndaş cəmiyyəti təmsilçilərinin, jurnalistlərin, fəalların, gənclərin görüşlərinə sərgilənən yanaşma və Vyanadakı görüş barədə yalnız partnyor təşkilatın geniş məlumat yaymaq səlahiyyətinə malik olması ilə izah edib.

Gürcüstanın baş naziri Qaribaşvili prezident seçkilərində Saakaşviliyə səs verib

20.04.14 22:39 |

alt Gürcüstanın baş naziri İrakli Qaribaşvili 2004-cü ildə prezident seçkiləri zamanı Mixeil Saakaşviliyə səs verib. APA-nın Gürcüstan bürosunun məlumatına görə, bu barədə baş nazir Gürcüstanın ictimai televiziyasına müsahibəsində bildirib.

“Mənim həmişə iki seçimim olub. Fikirləşirəm ki, mən seçimimdə heç vaxt yanılmamışam. Mən ikinci seçimimi Fransadan vətənə qayıdanda etmişəm. 2003-cü ildə Gürcüstanda Qızılgül inqilabı baş verdi. Onda mən Fransada idim və oradan dostlarıma zəng edib, onları təbrik etdim. Biz hamımız şad idik ki, bizim vətənimizdə də nəsə dəyişiklik baş verir. Biz istəyirdik ki, Gürcüstan Fransaya oxşasın. Bu istək təbii idi. O vaxt Gürcüstanda baş verənləri mən ürəyimə salırdım. Hər yerdə korrupsiya, hər yerdə durğunluq... Buna görə, mən 2003-cü ilin inqilabını alqışladım. Məhz buna görə, mən öz səsimi Mixeil Saakaşviliyə verdim”, deyə Qaribaşvili qeyd edib.

Başqa məqalələr...