Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	1082
	Dünən	3733
	Bu həftə	1082
	Bu ay	92241
	Bu günə qədər	9753606

Bizi Paylaşın

Video Xəbərlər

Təqvim

Dalga TeleviziyasA�

Azərbaycan Filippinə 200 min dollar məbləğində maddi yardım edib

10.01.14 19:50 |

alt

Ötən il Filippində baş vermiş Hayyan qasırğasının fəsadlarının aradan qaldırılması məqsədilə Azərbaycan hökuməti bu ölkəyə 200 min ABŞ dolları məbləğində vəsait ayırıb.

Azərbaycan XİN-in mətbuat xidmətindən APA-ya verilən məlumata görə, bu vəsait BMT-nin Ümumdünya Ərzaq Proqramının Filippində həyata keçirdiyi humanitar yardım proqramları vasitəsilə zərərçəkmiş əhalinin əsas qida ehtiyaclarının ödənməsinə sərf ediləcək.

Xatırladaq ki, Hayyan qasırğası 2013-cü ilin 8 noyabr tarixində baş verib. Təbii fəlakət Filippində minlərlə insanın ölümünə və yüzlərlə evin tamamilə dağılmasına səbəb olub, ölkədə qida, su və digər ilkin ehtiyac məhsullarına kəskin ehtiyac yaranıb.

Yaranmış humanitar böhranın miqyasını nəzərə alaraq, təbii fəlakətin nəticələrinin aradan qaldırılması məqsədilə Filippin hökuməti və BMT beynəlxalq ictimaiyyətə birgə müraciət edib. Bu müraciətə cavab olaraq dünyanın bir çox ölkələri və beynəlxalq təşkilatları ilə yanaşı, Azərbaycan da Filippinə yardım göstərib.

İspaniyalı futbolçu: “Simurq”la heç-heçə biabırçılıqdır”

13.08.13 20:12 |

"Xəzər Lənkəran”ın ispaniyalı futbolçusu Alvaro Silva komandasının Topaz Premyer Liqasındakı startını dəyərləndirib. Apasport.az saytının məlumatına görə, 29 yaşlı müdafiəçi ilk turda “Sumqayıt”la heç-heçədən sonra “Simurq”la görüşdə də xal itirilməsini bağışlanmaz sayıb.

2 turdan sonra hesabında 2 xal olan cənub təmsilçisinin arxa xətt futbolçusu III turun “Qarabağ”la avqustun 18-dəki səfər oyununda qələbənin vacibliyini vurğulayıb: “Son oyunumuzdakı 0:0 hesabı biabırçılıqdır. Biz ona görə qalib gələ bilmədik ki, buna layiq deyildik. Artıq başqa çıxış yolumuz yoxdur: oyunumuzu təkmilləşdirib növbəti turda qələbə qazanmalıyıq”.

“Bakı” uduzdu, “Neftçi” qələbə qazandı

11.08.13 14:09 |

alt

Dünən Topaz Premyer Liqanın II turuna start verilib.

Ilk oyun günündə iki qarşılaşma keçirilib.

Hər iki qarşılaşma Bakıda baş tutub. İlk turda uduzan "Bakı" bu dəfə AZAL-a minimal hesablı məğlub olub.

İlk turu xalsız başa vuran "Rəvan" isə bu dəfə çempion "Neftçi"yə buraxdığı iki cavabsız qolla yenilib.

Qeyd edək ki, bugün keçiriləcək üç oyunla tura yekun vurulacaq.

Topaz Premyer Liqası
II tur

10 avqust

AZAL – “Bakı” - 1:0

QOL: Viktor İqbekoi, 27

Hakimlər: Rəhim Həsənov, Munis Abdullayev, Yaşar Abbasov, Ömər Paşayev

Əlavə köməkçi hakimlər: Elvin Əsgərov, Orxan Məmmədov
AZAL Arena stadionu

“Rəvan” – “Neftçi” - 0:2

QOLLAR: Bahodir Nasimov, 15; 86

Hakimlər: Ramil Diniyev, Rahil Ramazanov, Elşən Acalov, Ramil Əhmədov
Bayıl Arena stadionu

“iPhone”un doğum günüdür

09.01.14 20:21 |

alt 2007-ci il yanvarın 9-da Stiv Cobs San-Fransiskoda ictimaiyyətə birinci “iPhone” “ağıllı” telefonunu təqdim edib.

“Apple” şirkətinin həmtəsisçisi Cobsun sözlərinə görə, telefon özündə 3 cihazın – "iPod", "inqilabi mobil telefon" və "sıçrayış etmiş internet-smartfon"un funksiyalarını birləşdirmişdi. 2007-ci ildə “Time” jurnalı Stiv Cobsun “biz telefona ikinci həyat verdik” sözlərini təsdiq edərək bu telefonu ilin ixtirası adlandırmışdı.

Təbrizdə bir azərbaycanlı edam edilib

09.01.14 20:13 |

alt İranın Şərqi Azərbaycan vilayətində bir nəfər edam edilib. APA-nın HRAZ-a istinadən verdiyi məlumata görə, Abdullah Əcəmlu qətldə günahlandırılaraq dara çəkilib.

Təbriz şəhərinin yaxınlığındakı Seyidabad qəsəbəsindən olan məhbus 19 yaşında olarkən bir kütləvi dava zamanı həbs edilib və həmyerlisini qətlə yetirməkdə ittiham olunaraq edam cəzasına məhkum edilib.

Qərar İran Ali Məhkəməsi tərəfindən təsdiqləndikdən sonra yanvarın 7-də səhər saatlarında Təbriz şəhərinin mərkəzi həbsxanasında icra olunub. A.Əcəmlu 11 il həbs cəzası çəkdikdən sonra 30 yaşında asılıb. Ancaq valideynləri onun qatil olmadığını və qətli başqasının törətdiyini bildirirlər. Onlar həmçinin qətlin A.Əcəmlunun boynuna qoyulduğunu və övladlarının da işgəncələr altında bunu etiraf etmək məcburiyyətində qaldığını söyləyiblər.

Başqa məqalələr...