Dalga Televiziyasi

Qaynar Xəbərlər

Marneuli rayon böyük Bəylər kəndində ev yanaraq külə dönüb Marneulidə İmam Əli (ə) Məscidində qan vermə aksiyası keçirilir “İçəridə ana və oğlu “bizi qurtarın” deyirdi” — Gəncədəki dəhşətli partlayışın ŞAHİDLƏRİ Qış aylarında içilən kələm çayının — ORQANİZMƏ FAYDALARI Maliyyə Nazirindən açıqlama var: Kimlərin kredit borcu silinəcək? Qaradağda sürücü qəza törətdi, həyat yoldaşı öldü Gəncədə binada partlayış: ölənlər var Gürcüstanda yüz minlərlə vətəndaşın bank borcu silinəcək Tanışlarına qarşı yarım milyonluq dələduzluq edən şəxs məhkəmə zalında həbs olunub Son 9 ayda Azərbaycanda 497 nəfərin İİV-ə yoluxması aşkarlanıb

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	663
	Dünən	3502
	Bu həftə	17906
	Bu ay	84311
	Bu günə qədər	9745676

Bizi Paylaşın

Video Xəbərlər

Təqvim

Dalga TeleviziyasA�

Nazir: “Azərbaycan Almaniya və Aİ-nin Cənubi Qafqazda ən mühüm iqtisadi tərəfdaşıdır”

07.03.17 21:00 |

Azərbaycanla Almaniya arasında diplomatik münasibətlərin qurulmasının 25 illiyi münasibətilə iki ölkənin xarici işlər nazirləri arasında təbrik məktubu mübadiləsi həyata keçirilib.

XİN-in mətbuat xidmətindən APA-ya verilən məlumata görə, xarici işlər naziri Elmar Məmmədyarov almaniyalı həmkarına ünvanladığı məktubda diplomatik münasibətlərin qurulduğu andan ölkələrimiz arasındakı əlaqələrin dinamik şəkildə inkişaf etdiyini və müxtəlif sahələri əhatə etdiyini bildirib.

Hazırda Azərbaycanın Almaniya və Avropa İttifaqının Cənubi Qafqazda ən mühüm iqtisadi və ticarət tərəfdaşı olduğunu qeyd edən nazir ikitərəfli əlaqələrin inkişafında böyük potensialın mövcudluğunu vurğulayıb. Ölkələrimiz və xalqlarımız arasındakı münasibətlərin tarixinin təkcə diplomatik münasibətlərin qurulması ilə məhdudlaşmadığını və daha dərin köklərə malik olduğunu qeyd edən E. Məmmədyarov 2017-ci ildə Azərbaycanda alman məskənlərinin salınmasının 200 illiyinin tamam olduğunu bildirib, Azərbaycanda almanlara məxsus tarixi-mədəni irsin mövcudluğunun ölkələrimiz arasındakı münasibətlərin mühüm simvoluna çevrildiyini vurğulayıb.

Almaniya xarici işlər naziri Siqmar Qabriel isə E. Məmmədyarova göndərdiyi məktubda 200 il əvvəl şvab almanlar tərəfindən Azərbaycan ərazisində əsası qoyulmuş Helenendorf kimi yaşayış məntəqələrinin iki ölkənin birgə mədəniyyət irsi olduğunu qeyd edib. Almaniyalı nazir Azərbaycanın ölkəsinin enerji təminatının şaxələndirilməsi sahəsində strateji tərəfdaşı olduğunu bildirib, ölkəsinin Azərbaycanın müasirləşmə səylərində, iqtisadiyyatın şaxələndirilməsində və demokratik inkişafında bundan sonra da etibarlı tərəfdaşı olmaqda davam edəcəyini diqqətə çatdırıb.

İki ölkə arasında müxtəlif sahələrdə, xüsusilə iqtisadi sahədə əlaqələrin dinamik şəkildə inkişaf etdiyini vurğulayan S. Qabriel Almaniya-Azərbaycan iqtisadi forumunun buna bariz nümunə olduğunu qeyd edib.

Mehriban Əliyevanın deputat səlahiyyətlərinə xitam verilib

06.03.17 17:35 |

Bu gün Mərkəzi Seçki Komissiyasının (MSK) iclasında V çağırış Milli Məclisin deputatı Mehriban Əliyevanın səlahiyyətlərinə xitam verilməsi məsələsi müzakirəyə çıxarılıb.

APA-nın məlumatına görə, MSK sədri Məzahir Pənahov Mehriban Əliyevanın Azərbaycan prezidenti İlham Əliyevin 21 fevral tarixli sərəncamı ilə birinci vitse-prezident təyin olunduğunu bildirib.

M. Əliyevanın deputat kimi uğurlu fəaliyyətindən söz açan M. Pənahov onun deputat səlahiyyətlərinə xitam verilməsi ilə bağlı MSK-ya müraciət etdiyini bildirib: "Mehriban Əliyeva prezident İlham Əliyevin ən yaxın silahdaşıdır. Ona birinci vitse-prezident kimi fəaliyyətində uğurlar arzulayırıq. Konstitusiyaya əsasən, Milli Məclis üzvü dövlət orqanlarında vəzifəyə təyin olunarsa, deputat kimi səlahiyyətlərinə xitam verilməlidir. Bununla bağlı Mehriban Əliyeva martın 3-də MSK-ya müraciət edib".

Daha sonra məsələ səsverməyə çıxarılıb və qəbul edilib.

Prezident Bakıda “Ürək Mərkəzi”nin açılışında iştirak edib

06.03.17 13:39 |

Bu gün Respublika Müalicəvi Diaqnostika Mərkəzinin nəzdində “Ürək Mərkəzi”nin açılışı olub.

APA-nın məlumatına görə, Azərbaycan prezidenti İlham Əliyev və Birinci vitse-prezident xanım Mehriban Əliyeva açılışda iştirak ediblər.

Dövlət başçısı mərkəzin rəmzi açılışını bildirən lenti kəsib.

Prezident İlham Əliyev və Birinci vitse-prezident xanım Mehriban Əliyeva mərkəzdə yaradılan şəraitlə tanış olublar.

Dövlət başçısı və birinci vitse-prezident mərkəzin kollektivi ilə görüşüblər.

İlham Əliyevdən Almaniyada türklərə böyük jest

10.06.16 13:02 |

Prezident “erməni soyqırımı”nı tanıdıqıqları üçün Bundestaq üzvləri ilə görüşü ləğv edib.

İlham Əliyev və Angela Merkel. Arxiv

“Almaniya Bundestaqında “erməni soyqırımı”nın tanınmasına dair qətnamə qəbul edildiyi üçün Azərbaycan prezidenti İlham Əliyev Bundestaq üzvüləri ilə görüşlər keçirməyib”. ANS PRESS-in məlumatına görə, bu sözləri Xəzər Strateji İnstitutunun (HASEN) Ali Məşvərət Şurasının sədri Xəlil Akınçı deyib.

O bildirib ki, İlham Əliyev qətnamənin qəbuluna etiraz olaraq bu addımı atıb. “Prezident həmçinin Almaniya-Azərbaycan parlamentlərarası dostluq qrupunun üzvləri ilə görüşlərdən imtina edib”.

Akınçı bu görüşlərin protokolda nəzərdə tutulduğunu deyib.

“İlham Əliyev çıxışları zamanı Azərbaycan və Türkiyənin strateji müttəfiq olmaqla yanaşı, iki qardaş ölkə olmasını və Azərbaycanın həmişə Türkiyənin yanında olduğunu vurğulayır. Prezident Almaniya Bundestaqındakı görüşləri ləğv edərək, dünyaya haqsızlığın cavabsız qalmayacağı mesajını verib. Digər tərəfdən, cənab Əliyevin bu addımı yaxın tarixdə törədilmiş və şahidlərinin hələ də həyatda olduğu Xocalı soyqırımına səssiz qalan Qərbin ikili standartına cavabdır”, - deyə Xəlil Akınçı bildirib.

Xəlil Akınçı -Xəzər Strateji İnstitutunun (HASEN) Ali Məşvərət Şurasının sədri

Prezident İlham Əliyev Almaniyaya mayın 7-də səfər edib. O, səfər çərçivəsində Almaniya kansleri Angela Merkellə görüşüb.

Görüş zamanı Dağlıq Qarabağ münaqişəsi və ikitərəfli münasibətlər müzakirə olunub.

Angela Merkel “erməni soyqırımı” ilə bağlı çıxışı zamanı bildirib ki, Türkiyə tərəfinin 1915-ci ildə Osmanlı imperiyasında ermənilərin soyqırımı haqda qətnamənin qəbul edilməsinə səs verən Bundestaq deputatlarına qarşı səsləndirdiyi ittihamlar anlaşılmazdır.

Prezident “cəhənnəmi görmüş pilot”u mükafatlandırdı

02.06.16 23:04 |

Xəbər verdiyimiz kimi, bu gün Azərbaycan prezidenti İlham Əliyev Azərbaycan diasporunun inkişafındakı xidmətlərinə görə bir qrup şəxsi təltif edib.

“Qafqazinfo” xəbər verir ki, həmin şəxslər arasında ermənilərin törətdiyi Xocalı qətliamının ilk şahidi, ukraynalı pilot Kravets Leonid Markoviç də var. Prezident Markoviçin xidmətlərini “Tərəqqi” medalı ilə dəyərləndirib.

Xatırladaq ki, Kraveç Leonid Markoviç Xocalı qətliamının ilk şahidi, jurnalistləri bu vəhşiliyin törədildiyi yerə helikopterlə aparan pilotdur. O, Gəncədə hərbi xidmətdə olub, yaşayıb və məhz 24 il əvvəl Xocalıya Gəncədən uçub.

Qeyd edək ki, Leonid Markoviç və xanımı Alla Kravets bu ilin fevralı-Xocalı soyqırımının 24-cü ili münasibətilə Bakıya gəlmiş, şəhidlərin məzarını ziyarət etmişdi.

Markoviç səfəri çərçivəsində “Cəhənnəmi görmüş pilot” sənədli filminin təqdimatında da iştirak edib. Film Leyla Əliyevanın təşəbbüsü ilə “Xocalıya ədalət!” beynəlxalq kampaniyası çərçivəsində hazırlanıb.

Prezident həmçinin, Markoviçin Azərbaycana səfərini təşkil edən, sözügedən filmi lentə alan diaspora rəhbəri, Ukrayna Azərbaycanlıları Birləşmiş Diasporunun (UABD) sədri Cavadov Hikmət Əlövsət oğlunu da təltif edərək “Tərəqqi” medalı verib.

Başqa məqalələr...