Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	2817
	Dünən	3502
	Bu həftə	20060
	Bu ay	86465
	Bu günə qədər	9747830

Bizi Paylaşın

Video Xəbərlər

Təqvim

Dalga TeleviziyasA�

Türkiyədə şiddətli qar və şaxta - VİDEO

11.12.13 22:01 |

alt

Qonşu türkiyəni soyuq hava kütlələri öz cənginə alib. Ölkənin əksər şəhər və vilayətlərində güclü qar və şaxta müşahidə edilir. Şiddətli qar İstanbulda yolların buz bağlanmasına səbəb olub. Atatürk hava limanında uçuş zolağında sürüşmənin qarşısını almaq üçün təyyarələr spirtlə yuyulur.

Aeroportun 2 gün ərzində qardan təmizlənməsi 300 min lirəyə başa gəlib. Qarlı hava şəraiti ilə əlaqədar İstanbuldan uçan və İstanbula enən yüzlərlə daxili və beynəlxalq aviareys gecikib və təxirə salınıb.

Kilis vilayətində də qar və buzlaşma fəsadlara səbəb olub. Nəqliyyatın hərəkəti iflic olub, piyadalar yolda gəzməkdə çətinlik çəkirlər. Buzlaşma yollarda qəzalara səbəb olub. Kilis bələdiyyəsi yollara duz səpilməsi işinə başlayıb.

Ən kəskin şaxta isə, həmişə olduğu kimi, Şərqi Anadolu bölgəsində müşahidə edilir. Burada ən aşağı temperatur Qarsda qeydə alınıb - mənfi 14 dərəcə. Xeyli sayda kənd yolu bağlanıb. Ərzurum, Ərdəhan, Ağrı, Ərzincan, İğdır kimi vilayətlərdə də 6-13 dərəcə şaxta müşahidə edilir. Meteoroloqlar isə bölgədə havanın daha da soyuyacağını proqnozlaşdırırlar.

Biləsuvarda flaşmob keçirildi - VİDEO

24.12.13 21:50 |

alt

Yeni il və Dünya Azərbaycanlıların Həmrəyliyi günü ərəfəsində, ölkə başçısı İlham Əliyevin doğum günü Biləsuvar rayonunda “Firavan həyat - Biləsuvar gəncliyi” devizi altında “flaşmob” keçirilib.

Kiyevdə Yanukoviç və Eşton arasında görüş başa çatıb

10.12.13 23:17 |

Kiyevdə Ukrayna prezidenti Viktor Yanukoviç və Avropa diplomatiyasının rəhbəri Ketrin Eşton arasında görüş başa çatıb. APA-nın “RİA Novosti”yə istinadən verdiyi xəbərə görə, bu barədə Ukrayna prezidentinin mətbuat xidməti məlumat yayıb.

“Ukrayna prezidenti Viktor Yanukoviç və Avropa Birliyinin xarici işlər və təhlükəsizlik siyasəti üzrə ali nümayəndəsi Ketrin Eşton arasında görüş baş tutub. Görüşdə həmçinin AB-nin Ukraynadakı nümayəndəliyinin rəhbəri Yan Tombinski iştirak edib”, deyə açıqlamada deyilir.

“Görüş 3,5 saat davam edib, bütün mühüm məsələlər müzakirə olunub. Hazırda müxalifət liderləri ilə görüş keçirilir”, bu barədə məlumatı öz Twitter səhifəsində Ketrin Eştonun rəsmi nümayəndəsi Maya Kosyançiç dərc edib.

Qeyd edək ki, Ketrin Eştonun bu gün Kiyevə ikigünlük səfəri başlayıb. Ukraynadakı vəziyyətin siyasi yolla nizamlanması səfərin əsas məqsədlərindən biridir.

Vladimir Putin Krıma səfər etdi

13.08.14 18:36 |

alt

Rusiya prezidenti Vladimir Putin Təhlükəsizlik Şurasının üzvləri ilə birlikdə Krıma səfər edib.

Dalgatv-nin İTAR-TASS-a istinadən verdiyi məlumata görə, V. Putin yarımadaya ikigünlük səfərinə Sevastopol şəhərindən başlayıb.

Sevastopola səfər çərçivəsində Rusiya prezidenti bu gün Qara dəniz donanmasının qərargahında operativ müşavirə keçirəcək.

Bu, Krımın 2014-cü ili martında Rusiyaya birləşdirilməsindən sonra, Putinin yarımadaya ikinci səfəridir.

V. Putin avqustun 14-də Yaltaya da səfər edəcək, orada “Mriya” kurort kompleksinin tikintisi ilə tanış olacaq.

Rusiya prezidentinin Çexovun Ev Muzeyinə baş çəkəcəyi də gözlənilir.

Tiflis aeroportunda azərbaycanlılar saxlanıldı

23.12.13 18:49 |

alt

Tiflis beynəlxalq hava limanında iki nəfər Azərbaycan vətəndaşı saxlanılıb.

Dubaydan gələn bu şəxslərdən birinin baqajında və əl yükündə deklarasiya olunmamış, ümumi dəyəri 4749,31 lari (təxminən 2800 dollar) olan mal, digərinin baqajında isə ümumi dəyəri 5896,05 lari (təxminən 3,5 min dollar) olan deklarasiya olunmamış mal aşkarlanıb. Gömrük bəyannaməsində əksini tapmamış mallar telefonlar və kompüterlər olub.

Saxlanılan Azərbaycan vətəndaşları T.M. və E.S. Gürcüstan Vergi Məcəlləsinin 289-cu maddəsinin 10-cu bəndinə müvafiq olaraq cərimələniblər.

Başqa məqalələr...