Dalga Televiziyasi

BAKI - TBİLİSİ

Multikulturalizm

Tərəfdaşlar

Ziyarətçi sayğacı

	Bu gün	560
	Dünən	3022
	Bu həftə	560
	Bu ay	66965
	Bu günə qədər	9728330

Bizi Paylaşın

Video Xəbərlər

Təqvim

Dalga TeleviziyasA�

Bakıda 16 yaşlı oğlan dənizdə boğulub

28.06.13 21:41 |

alt

Bakıda 16 yaşlı oğlan dənizdə boğulub. Xəzər Rayon Prokurorluğundan verilən məlumata görə, hadisə Xəzər dənizinin Şüvəlan qəsəbəsinə düşən ərazisində qeydə alınıb.

1997-ci il təvəllüdlü Cəsarət Əkrəm oğlu Hacızadə dənizdə çimərkən boğulub. C.Hacızadənin meyiti Fövqəladə Hallar Nazirliyinin xilasediciləri tərəfindən dənizdən çıxarılaraq ailəsinə təhvil verilib.

Moskvada 5 Azərbaycan vətəndaşı saxlandı

31.07.13 20:09 |

alt

Moskva polisi ödəmə terminallarından oğurluqda şübhəli bilinən 5 Azərbaycan vətəndaşını saxlayıb.

Saxlanılan dəstədə 24-25 yaşlı 5 azərbaycanlı və bir nəfər əcnəbi olub. Polisin məlumatına görə, 31 iyul gecəsi «02» çağırış xidmətinə Lazarev döngəsində mağazanın soyulması barədə xəbər daxil olub. Ticarət nöqtəsindən ödəmə terminalını çıxardan cinayətkar qrup Milaşenkova küçəsində qaldıqları evdə onu boşaldarkən saxlanıblar.

Evin qarajında keçirilmiş müayinə nəticəsində polislər daha 13 terminal aşkar etdilər. Dəstənin vurduğu zərərin ümumi məbləği 1 milyon rubldan çox olub.

Tiflisdə “ATƏT - Qafqaz regionunda yeni imkanlar” mövzusunda beynəlxalq konfrans keçirilib

28.06.13 21:39 |

Gürcüstan paytaxtındakı Qafqaz Beynəlxalq Universitetində “ATƏT - Qafqaz regionunda yeni imkanlar” mövzusunda beynəlxalq konfrans keçirilib. Tədbiri universitetin rektoru Kaxaber Kordzia açıb. Sonra Ukraynanın Gürcüstandakı səfirliyinin II katibi Dmitri Tretyakov, ATƏT-in Gürcüstanda azlıqların problemləri üzrə milli proqram koordinatoru Nino Qoqoladze, Qafqaz Regional Təhlükəsizlik İnstitutunun direktoru Aleksandr Rusetski, “Demokratik Gürcüstan” siyasi hərəkatın lideri, Gürcüstan prezidentliyinə namizəd Nino Burcanadze, Gürcüstan Sosial-Demokrat Partiyasının baş katibi Beka Natsivlişvili, ATƏT-in “Qafqaz Araşdırma Mərkəzi”nin rəsmisi Olqa Doroxina, Helsinski Vətəndaş Assambleyasının Azərbaycan Komitəsinin nümayəndəsi, politoloq Zərdüşt Əlizadə və başqaları çıxış edərək Cənubi Qafqazda ATƏT-in perspektivləri və yeni imkanlar barədə söhbət açıblar.

Tədbir 1973-cü ilin iyulun 3-də Helsinskidə açılan Avropada Təhlükəsizlik və Əməkdaşlıq Konfransının ilk mərhələsinin 40 illiyinə həsr olunub.

Beynəlxalq konfransda “Qafqazın çağırışı” adlı sənəd qəbul edilib.

Vilnüs Sammitində- Qalmaqal

28.11.13 19:30 |

alt

Vilnüsdə keçirilən Şərq Tərəfdaşlığı Sammitinin ilk günü qalmaqalla yadda qalıb. Belə ki, Ukraynanın baş nazirinin müavini Sergey Arbuzovun çıxışı zamanı zala bir qrup daxil olaraq etiraz aksiyası keçirib.

Arbuzov Ukraynanın Avropaya inteqrasiya yolundan çəkilmədiyini bildirərək Ukraynanın siyasətində heç bir dəyişiklik olmadığını vurulayıb.

Onun çıxışı zamanı zala daxil olan “Açıq siyasət” Fondunun prezidenti İqor Jdanov və bir neçə nəfər baş nazirin müaviniə etiraz ediblər. Onlar “Azadlıq qazdan vacibdir”, “Arbuzov, bizim arzularımızı öldürmə” kimi üşarlar səsləndiriblər.

Yerevanda etiraz aksiyası altıncı gününə qədəm qoydu

31.07.13 20:08 |

alt

İctimai nəqliyyatda gediş haqqı tariflərinin artırılmasına etiraz edən fəallar Yerevan meriyasının Nəqliyyat idarəsinin rəisi və "Yerevantrans"ın direktorunun vəzifədən azad edilməsi tələbi ilə paytaxt küçələrində vərəqələr paylayırlar.

Bununla yanaşı, Yerevan meriyasının binası qarşısında adıçəkilən şəxslərin vəzifədən azad edilməsini tələb edən oturaq tətil davam edir.

Başqa məqalələr...